Jukjukin pād ko Etal Mōkaj Aer Jerbal
Jukjukin pād ko rej tariaņaeik tōn̄al ilo jeļāļo̧kjeņ, ōōn im kāājimourur.
Type 2 in tōn̄al ej ilōn̄tata ilo Marshall Islands ilo laļ in. Juon bōnbōn in 28% in ro kajjojo ilōn̄in 15 iiō ewōr aer type 2 tōn̄al. N̄an ro rōrūtto ļo̧k jān 35, ewōr jon̄an in 50%.
Elōn̄ armej rejjab jeļā ewōr aer tōn̄al m̧ae iien nan̄inmej in ej waļo̧k.
Community Lifestyle Program eo (CLP) kobain ro rej itok jān Canvasback Wellness Center, Taiwan Health Center, LDS Charities, Ra eo an Jikin Ājmour im Kien eo an Majuro ilo aer ippān doon n̄an kōm̧m̧ani kein kakōļkōļ ko n̄an pukot ro ewōr ippāer nan̄inmej in tōn̄al im high blood.
Jeļāļo̧kjeņ im etale repen n̄an lo im jipan̄ kōjparok wāween kein.
Kajjojo iien diwōjļo̧k in kakōļkōļ ewōr jilu ak emān m̧wein̄an me ekoba kakōļkōļ (blood pressure, blood sugar, aetok im eddo), juon iien kejjemourur, juon iien katakin im juon kūlaaj in kwaļo̧k kilen kōmat.
Kakōļkōļ ko rej kōm̧m̧an aolep emān wiik. Unin kōnono ko ilo kūlaaj in jeļāļo̧kjeņ in rej aolep ejeplōklōk ilo wiik eo barāinwōt kilen kōm̧m̧ani (recipe).
Kōnke niknik kōm̧m̧ani ej juon jerbal eaorōk ilo ājmour, etetal kāājimourur eaar kōm̧m̧an jān doulul ko kar ejaaki im kar leļo̧k juuj in etetal ko n̄an ro rej bōk kūņaer etetal 15 raan ko kōn diktata jimettan awa.
Kiiō ewōr 10 doulul ko im tōprak ko maron̄ loi jen ro rej kōņaan bōk ājmour.