Jako im Waļo̧k
Ijeļā bwe Jemedwōj Ilan̄ ej uwaake jar ko. Ke baam̧le eo aō rekar jokwe ilo Germany, kōm̧ kar etal n̄an Volksmarch ilo bukwōn eo am. Volksmarch ej ijo jem̧jerā ro im ro riturim rej m̧ōņōņō ippān doon ilo ad etal ilo jon etetal ippān doon. Jinō im jema rekar ba imaron̄ etal m̧aan ippān kūrub eo ippān ro m̧ōtta, im kōm̧ kar jino etal ilo iaļ eo eaitok.
Ālkin jejjo minit ko ikar jab loe ro uwaan baam̧le eo aō. Ikar ba n̄an ro m̧ōtta bwe inej pād wōt ilo iaļ eo im kōttar er. Ejjab to jān iien eo ikar lo eo m̧ōtta im baam̧le an, im jinō im jea rekar jan̄in de itok. Ikar make iaaō ilo bulōn̄ wōjke ko, im ikar mijak. Ikar kālet n̄an jar bwe jabdewōt armej ren loe n̄a.
Ilo ijo rājet in bulōn̄ wōjke eo, jema ekar en̄jake Jetōb Kwojarjar ej ba n̄an e, “Etal im pukōte ļaddik eo nejim.” Ekar en̄jake ewi jon̄an aō aikuji, im ekar bar ro̧o̧l im ba n̄an m̧am̧a bwe ej tin pukōt n̄a. Jejjo minit remootļo̧k jema ekar ettōrtok ilo iaļ eo n̄an ijo ikar kōttar ie im loe n̄a. Ikar lukkuun m̧ōņōņō in loe jema! Ke ekar ba n̄an n̄a kōn en̄jake eo ekajoor ke ikar aikuj jipan̄, ijeļā bwe Jemedwōj Ilan̄ em̧ōj an uwaake jar eo aō.
Ilukkuun m̧ōņōņō bwe ijeļā jabdewōt jikin ij pād ie, imaron̄ kōnono ippān Jemedwōj Ilan̄. Enaaj jipan̄ eō kwaļo̧k iaļ eo aō.