Wanlōn̄tak in Diktak in Epepen in
Jet raan remootļo̧k iaar bōk kūņaaō ilo juon kāām an Rūm̧m̧an Ded ilo Tonga. Im̧aan meja, ilo juon jibbon̄in Bōļaide aiboojoj eaar jijeet lim̧abukwi ro rem̧m̧antata an Irooj. Raar eeb, al, im kar m̧ōņōņō ippān doon ilo ikkure ko im kar ron̄jake katak ko rekōbbōkakkak jān doon im ritōl ro aer. Ekar menin m̧ōņōņō n̄an pād ippāer, n̄an en̄jake em̧m̧an eo aer im n̄an jeļā bwe im̧aan meja ekar jijet jet ritōl ro ilju im jekļaj an Kabun̄ in, an jukjukinpād im pejnej.
Eaar kanooj ļap am̧ m̧ōņōņō ippān armej ro rem̧m̧an kar kōm̧m̧an jen ro Diktak in Epepen in jen likao ro im jiron̄ ro ilo Pacific in. Elōn̄ iaer raar jerbali mijen ko, m̧are ilo tampeļ im jerbal ilo ward ko im branch ko ilo aolepān laļ ko ilo Pacific in. Jen jon̄an tōprak kein, ej wōr wōt juon jerbal eļap ikōtaan ro rej niknik im rej m̧ool n̄an bujen ko aer im ro rejjab im en̄in ej juon elewetak n̄an kōj aolep.
Pacific Eria Būreejtōnji eo ej kūr n̄an Diktak in Epepen in n̄an kōjparok jetōb eo aer make. Ejjeļo̧k membōr in epepen in emaron̄ leļo̧k eddo in n̄an bar juon. Kajjojo raikuj lukkuun lale lo̧mo̧o̧r eo aer n̄an naajdik jetōb ko aer make eo eaorōk n̄an kōm̧m̧ani im kōjparok bujen ko n̄an pād ilo ikkure ko. Juon eo rikaļooraņ Kraist enaaj bōk Rilo̧mo̧o̧r āinwōt io̧lepen mour ko aer n̄an kōm̧m̧ani men ko raorōktata. Jar kajjojo raan, riiti jeje ko rekwojarjar, pād ilo Jemenere im Institute, pād ilo Jar, bōk juon peba in mālim n̄an deļo̧n̄e tampeļ eo, im kōkāāl bujen ko im jerbal in jipan̄ n̄an doon rej jet iaan men ko raorōktata. Aaet, kajjojo membōr in Diktak in Epepen in reaikuj bōk eddo n̄an mour in jetōb eo aer make n̄an kōm̧m̧ani men ko raorōktata.
Ilo Kraist ej unjen mour ko ad ewōr emān eria ko me renaaj jipan̄ kōj dim im pen n̄an Gospel in em̧ōj an kar jepļaaktok. Rej kobain juon kam̧m̧oolol in am̧ membōr in Kabun̄ in. Iien eo jej jino jab m̧ool kōn men eo eaorōk jab kaorōke bujen ko ad ej ijjino. Kein karuo, jej aikuj keememej bwe ewōr juon an Anij karōk n̄an ro nejin ioon laļ in im eļaptata, jenaaj jepļaak im mour Ippān bar juon alen. Toon wōt ad meļeļe Karōk in Mōņōņō eo Eļap enaaj toon wōt an em̧m̧an ad kadedeļo̧k karōk eo. Kein kajilu, jej aikuj keememej bwe jerbal in mijenede ej kapen ad oktak n̄an Kraist im kōļapļo̧k ad tōmak ilo E. Jej aolep aikuj lukkuun oktak n̄an jutak ņae m̧o̧ņ ko an rikapo eo. Eo kein kemān eaorōk ej pojak in m̧are. Mare kōtaan juon em̧m̧aan im juon kōrā ej ekkapit in Anij im ejjab aikuj in rūm̧wij.
Ejjeļo̧k juon ekar ļotaktok bwe en make iaan ilo mour in im bwe Anij eaar lale bwe n̄e jum̧ae ej waļo̧k jipan̄ ej itok. Diktak in Epepenin renaaj lo bwe jipan̄ in ippān ro jinen im jemān rem̧m̧an, ritōl ro an priesthood im radik, im jipan̄ an ro m̧ōttaer ilo aer kwaļo̧k jon̄ok ko aer. Āinwōt aolep membōr, renaaj lo bwe jipan̄ eo em̧m̧antata loe ej waļo̧k ilo nee ko rej bukwelōlō ilo aer akweļap kōn jipan̄ n̄an anjo̧ ioon inepata ko im kapo ko rej iooni. Renaaj en̄jake, āinwōt kar n̄a, bwe im̧we in tōl ko an Jetōb Kwojarar naaj kaenōm̧m̧an er ilo iien ko reppen.
Itok limo in n̄an jipan̄ Diktak in Epepen, Elder Christofferson ekar kwaļo̧k juon ennaan ejeno̧ļo̧k bwe “Em̧m̧aan ro rōrūtto—baba ro, ro ejjeļo̧k pāleer, ritōl ro, rūkaki in loļo̧k m̧oko ro—n̄an karbab ilo waanjon̄ak n̄an jipan̄ ļaddik ro Diktak in Epepen in erom̧ em̧m̧aan ro. Katakin er ippān doon im kapāāl ko jet: kwaļo̧k wāween aer bōk koņaer ilo juon ekōnono, kwaļo̧k wāween aer jeļā kajjieen doon im m̧akūtkūt ippān doon, kwaļo̧k wāween aer ekkejelļo̧k ippān kōrā ro im leddik ro, wāween aer jerbal, wāween aer bōk koņaer im lan̄lōn̄ ilo ikkure, wāween aer pukōt ikkure ko ilo aer jab an̄ūrlep, wāween aer kajim̧wi bōd ko im kōm̧m̧ani kālet ko rem̧m̧an. Em̧m̧aan ro rōrūtto ilo Pacific in, kōm̧ij kajjitōk ippāmi n̄an jerkak n̄an kūr in jān juon rikanaan an Anij.
Eaar bar ba bwe juon “Kareel eo ekajoor ilo mour an juon kōrā jab maron̄ lukkuun en̄jake kajoor in ak eļapļo̧k an jerbal ilowaan wōt m̧weo. Ejjeļo̧k juon jikin em̧m̧anļo̧k n̄an kōkaajririiki Diktak in Epepen in jān m̧anit eo an baam̧le, ijo baba im m̧am̧a eo rej jerbal ippān doon aenōm̧m̧an n̄an kake, katakin, im kōkkaajririik ajri ro nejier.” Ealikkar, juon LDS em̧ eo ekajoor ej jikin jipan̄ eo eaorōk n̄an Diktak in Epepen in.
Kōm̧ij kūr aolep ro jinen im jemān im ritōl ro n̄an lale bwe n̄e jelm̧ae jum̧ae im kapo en ejjeļo̧k Diktak in Epepen in en jako im bwe kwon kobaļo̧k ippāer n̄an dim im pen n̄an bujen ko aer im n̄an lo̧mo̧o̧ren ro m̧ōttaer ro rej jabwābwe.