Ua Tali Atu se Ulugalii Matutua i le Valaau e Auauna Atu
“Pe a ma mafaufau i faifeautalai [Mamona], e masani lava ona ma vaai faalemafaufau atu i alii talavou ma ofutino ma fusiua ma tamaitai talavou o ofu tauagafau. Ae o loo faatasi ai ma i latou ni faifeautalai ofoofogia matutua o e ua tali atu i aioiga a perofeta ma aposetolo mo nisi ulugalii faafaifeautalai,” na matauina lea e le Perofeta o Russell M. Nelson.
Ua auina atu e le Ekalesia le toa 317 o ulugalii matutua mai le Pasefika i Saute atoa i le ono tausaga ua mavae. O le toatele o i latou na auauna atu po o loo auauna atu i le eria o le Pasefika. O nei ulugalii ua i ai ni tala musuia o le auaunaga e faasoa atu.
O loo auauna atu i le taimi nei o se ulugalii faafaifeautalai ia, Tony ma Mary Aiono, o loo fautaunuuina se manaoga loloto e auauna atu i le Alii. O le tuuina atu ai o lo la faatuatuaga ia te Ia, sa la tuua ai lo la fale ma aiga i Apia, Samoa, ma masii atu i Papua Niu Kini mo le sefuluvalu masina.
Mo le tele o tausaga, na mafaufau ai le au Aiono e auauna atu i se misiona i le la Ekalesia. O le tele o taimi na faasoa atu ai e Tony i isi o le a “i ai se aso o le ou alu ai i se misiona.”
Sa la lagonaina uma le uunaia e auauna atu ina ua mavae ona faalogo o fautua mai le perofeta pele ua mavae atu o Thomas S. Monson (1927–2018): “Ia te outou na e le’i aulia le taimi o le olaga e mafai ai ona avea ma ulugalii faamisiona, ou te fautuaina outou e tapena nei loa mo le aso e mafai ai, pe a mafai e o oulua tulaga o i ai, ona oulua o ma lau soa.”
“Pe a faatagaina e o outou tulaga, e pei ona outou agavaa ai mo le litaea, ma pe a faatagaina ai e o outou soifua maloloina, ia faaavanoaina outou lava e tuua aiga ma tuuina atu le auaunaga faafaifeautalai faamisiona.”
I le avea ai ma ulu o le aiga sa faigata mo Tony ma Mary le saunia e tuua tautinoga masani. Sa avea le soifua maloloina ma se popolega peitai sa la galulue ina ia maua le malosi faaletino ma le faalemafaufau ina ia mafai ai ona ausia tulaga manaomia faafoma’i.
E ui ua faatumulia o laua aso i le galuega faigata ma le ositaulaga, ae ua tele faamanuiaga ua oo mai ia i laua. Ua la maua le agaga faafetai ona ua tausia o laua tautinoga faaleaiga i lo la le i ai.
La te tuuina atu le faamalo i le la suesuega faaletusitusiga paia i aso taitasi i lo la “tuputupu ae ai ma le malosi i le faatuatua faaleagaga ma faaletino.”
O avanoa faaleauaunaga i le Ekalesia mo le la atalii faaletulafono ma le taliaina ai o le uluai fanau a le la fanau i le iunivesite o ni faamanuiaga faaopoopo lea, ua la fai mai ai, ua oo mai i o laua olaga.
Ua uunaia mai e le au Aiono isi ulugalii matutua a le AAG o e mananao e avea ma soo o le Alii ina ia “saunia faaleagaga ma faaletino. O se faatuatua malosi ma le molimau ia Iesu Keriso ma lana Togiola o le a avea ma se meafaigaluega e fesoasoani ia te oe ao e auauna atu.”
O le lagonaina o le faamalieina i le galuega o latou aafia ai ma isi faifeautalai matutua o loo atagia mai lea i lenei faamatalaga, na saunoa i ai Peresitene Thomas S. Monson: “E i ai ni nai taimi i o outou olaga o le a outou olioli ai i le tele o lagona matagofie ma le faamalieina e maua mai le auauna atu faatasi i le galuega a le Matai.”
O le ulugalii Toga o Loueni ma Nunia Huni o loo sauniuni atu e auauna atu i le la misiona lona lua.
E tusa ai ma Jan Hudson, o se faifeautalai matua i le Falema’i o Nifo a le AAG i Toga, “E le o se mea e le masani ai. O misiona e matua sili lava ona taua i Toga, ma o le toatele o ulugalii matutua e auauna atu.”
Ina ua fesiligia pe aisea ua la filifili ai e auauna atu i se isi misiona sa tali mai ma le lotomaualalo le au Huni la te alolofa i le Alii ma Lana galuega. Ma o le auauna atu, ua la tuu atu ai le la faatuatuaga i lo la Tama Faalelagi ma Lona alo, o Iesu Keriso.
Ua matua lagona e le au Huni le agaga faafetai ona ua maua foi e o la aiga ni faamanuiaga maoae ona o le la auaunaga faamisiona. La te faailoa mai le mauaina e fanau a fanau o aoaoga ma o i laua i le mauaina o se taavale ma se fale ia saogalemu ai i totonu, o nisi nei o faamanuiaga. O loo maua e le la aiga le soifua maloloina, ua faatumulia luga o le laulau ai i meataumafa ma o loo fiafia. O nei mea ua la matua faafetai ai.
O le auauna atu i se misiona o se ulugalii matutua o se mea lea e fautuaina e Loueni ma Nunia i soo se ulugalii AAG ua litaea.
“Afai e te manao ia latalata atili i le Alii, fai Lana galuega ma alu i se misiona.”
Sa auauna atu le au Huni i se misiona i Toga i le 2015–2017.
Ao auauna atu, sa iloga Loueni mo le tele o tausaga i le auaunaga ma le ositaulaga, i le tuuina atu o i’a—i e matitiva ma le tagolima—lea na te mauaina i lana tao i po taitasi i le fagota maulumaulu.
Mo le 20 tausaga ua mavae na faia ai e Loueni lenei mea o le alu na o ia i tua atu o le aau e fana ia, faatasi ai ma malie, mo ona tuaoi. Faitau atili i lana tala ofoofogia i i.
O loo aau pea Loueni ma fagota i tua atu o le aau ma tufatufa atu lana faiva i e matitiva. Na te taulimaina lana lava galuega o se tulaga faigofie, i le fai mai, “O lo’u olaga lenei. O le mea lenei ou te faia. Ou te auauna atu i le Atua, ma o le a Ia tausia a’u.”
O le lagonaina o le faamalieina i le galuega o latou aafia ai ma isi faifeautalai matutua o loo atagia mai lea i lenei faamatalaga, na saunoa i ai Peresitene Thomas S. Monson: “E i ai ni nai taimi i o outou olaga o le a outou olioli ai i le tele o lagona matagofie ma le faamalieina e maua mai le auauna atu faatasi i le galuega a le Matai.”