Te Tataro n te Mwanono

Iroun Carsen K., ana ririki 11, Utah, USA

N te ririki ae nako I nako n rianna ma tamau ao tariu. Ti rianna rinanon te tabo ae mwanono man nano. N te tai ae waekoa ti a waaki n neweaba irarikin kawain te turein. Ti kunei nangananga aika a bubura ao taabo ni mataku mai eta aika tamaroa. Ti tabe n tamwatamwarake i nanon kawaira n riaon atibu aika kakai bwaka ao maunga aika katati.

Imwiin te tai ae maan ao tia bon bua. Ti aki ataia bwa te kawai raa ae ti na roko iai i kabin te mwanono. Tia bae n te buakonikai ae matenten, n aki kona n noora taubukin ao kabin te mwanono. I a moanna n rangi n un. I aki ataia bwa N na nakea, ao ai uana naba ma tamau!

E nang moanna n roo ao ni mwaitoro, ao ti a kan aki kona ni kiitana te mwanono. I ataia bwa Tamara are i Karawa e ata te kawai n otinako.

I taku, “Ngkana ti tangiria n otinako mai ikai, ti riai n tataro!” Ngaia are ngaira teniman ti katorobubua n tataro, ni butiia Tamara are i Karawa bwa e na kaotinakoira man te mwanono.

Ngke ti a waaki n rianna, e tuangai te namakin bwa ngkana I noora te aroka ae ineti n rietata, I riai n rairaki nakon te maing. Imwiina ngke I rairaki nakon te maing, I a noora ara kaa. I ataia bwa Tamara are i Karawa e buokiira n otinako man te mwanono. E kaekai ara tataro Tamara are Ikarawa, ao ti kamanoaki ni kaotinakoaki —ngke e a bung taai.

I kakaitau ibukin mwaakan te tataro ao ibukin taningan Tamara are i Karawa ni kakauongo.