Rongorongo ni Kairiiri man te Aono
Tamaroa, Tamaroa Riki, Rianako Tamaroana
Wilbur ao Orville Wright a bon kinaaki ibukin karaoan te moan wanikiba n te aonaba ae kona ni kiba man tein baina ao ukan baina nako eeta n tain butina n nako mooa ngke e nikoraoi, e butimwaaka ao e teimaan kiban aia wanikiba i karawa n te maan ae 12 te teekan n 17 iai bongin Ritembwa 1903. E a tia ni kiba inanon te raroa ae 120 te buuti (37 miita), tao iteran abwakin te Tiete ae te 747 Jumbo Jet. N ae tataneiai iai te aba n taai aikai, anne bon te kiba ae rangi ni uarereke, ma ni karokoa ngkai, aio e riki bwa te mwakuri ae nakoraoi karaoana ae e karako ae kakoaua bwa e kona ni karaoaki.
Aia karo Wilbur ao Orville a reirei kakawakin te reirei ae tamaroa, te aro, te mwakuri korakora ao katein te utu aika raraoi. Taari aika uoman aikai a tia ni rinanon te aoraki ae korakora. A rinanon taiani kangaanga ao te akea ni kaantaninga naba, ao a mimi ngkana a bon kona ni karaoa te moan wanikiba.
A katai mwakuri aika kakaokoro n aron taan boreti, taan karaoi uruakin bwatika, ao taan karao bwatika, ao ni karokoa ae a riki bwa taan karaoa te wanikiba.
N te tai are a rinea te mwakuri ae a na mwakuriia, a nanomatoa ao a uaia ni mwakuri, a karaoi aia bwai n reirei ake a mwiokoaki bwa a na karaoi n aia auti. A bon rangi n nanorinano ao ni wanawana ni karabwarabwa ao n reiakin mwakuri ake a karaoaki irouia taan karaobwai ake mai imwaia. A tokanikai ni kangaanga teutana i mwin teutana.
A kunea taari aikai bwa iai baike a kainnanoaki ibukin te mitiin ae e kona ni kiba:
-
E na riai ni kona ni kabuta te wanikiba te Bwairati.
-
Bainaa na iai aia kona ni karaoa te mwaing nako eeta.
-
Enariai ni kabutaki man korakoran te intin bwa e aonga n tiku i karawa.
Wilbur ao Orville a anai kaetieti aikai bwa kairaia ni kairiia ao n kataneiaia n aaro nako ake a karaoi n taketenan aia kouru.
Kaetieti ao baika a kainnanoaki aikai a titebo ma ake ana uaana nakon mwanangara inanon te maiu aei ni kaineta te tia are bon te maiu ae akea tokina. Reiakinan reirei aika roko mai eta, ni karaoi ao n maiuakini ngkai ko katauraoi ni karekea te âbaoâ inanon maium.
E aki reke ni karokoa te atatai n tamnei bwa antai raoi ngkoe ni kona n kawakiniko. Ngkai ko rabwakau n buokiko, ko kona n buokiko n tararua maium. Ngkana ko tangiria bwa ko na kamainga te aonaba, ko riai ni maing moa bon ngkoe.
Taari aikai iai aia kaantaninga bwa e na iai riki te wanikiba ae tamaroa riki nakon are a karaoia ao a kakoaua bwa e na tiku i karawa ni maan riki nakon ae 12 te teekan!
E rangi ni kaunganano te bitaki man aia moan wanikiba maa Wright ni karokoa tiete aika katoki ni boong aikai. E moan kakibaaki te wanikiba ae te Airbus A380 superjumbo jet n Eberi n 2005âiai ruuna ae tau iai e nakon 800 bwatintia ao iai ana kona n reitinako ni kiba n te maan ae kaniia 18 te aoa.
N angiin te tai, ngkana ti namakina te mwengaraoi ao te raoiniango, ti tiku n te aeka ni waaki anne n akea kataan karaoan ae tamaroa riki ni katamaroaira ke ni kakororaoira [karikirakeira].
Iesu e kauringa Betero ni kangai: âNgkana ko rairaki kakorakora kain rarikimâ (Ruka 22:31â32).
N ara tai ni mwakuri ni karikirakeira, tao ti na kainnanoa bitakin anuara. Ngkana ti aki kona ni bitii anuara, a na riki bwa katein ao mwakoron maiura. E a kaman noora te konabwai aei te Uea iroun Beteroâma ngkana e aki bitia Betero, e aki kona ni buokiia tabemwaang bwa a na rairaki.
Tera ae tia tia n reiakinna n te ririki aei man oin maiura?
Tera bitaki aika ti tangirii ni karaoi ni kaotia bwa ti kekerake n te maiu n rabwata ao n te maiu n tamneiâman te tamaroa nakon te tamaroa riki nakon te tamaroa ae rianako?
Tera tabeua koaua ni kawai ke katei aika ti tuai n totokoi ke ti rawa ni bitii?
N te bong teuana, I buti n au kaa i Tiamoa ao inanon kawaiu, I tei ao I katoka temanna te mwaane ae uouota te uota ae tinebu iaon angana.
E toka ibukin te kaa ma uotana ao I butinako. Ngke I taraa kiraatin te kaa ao I rangi ni miimi bwa te mwaane arei e bon tei naba ibukin te kaa ma uotana are tinebu iaon angana.
I kantaanigaia bwa e na katuka uotana iaon te kaa ao imwina e na tekateka ao ni kamotirawaa angana ni karokoa are I kabwakaa n ana kaawa.
N tabetai âkatinanikuanâ waaki ke katei aika kaitara ma ana reirei te euangkerio bon te kakaewenako ae matoatoa irouia aomata ake a kaina te Ekaretia.
Iai tabeua waaki ao katei aika a kona n tukiira man te katamaroaaki ao te kerake man te tamaroa nakon te tamaroa riki, ke man te tamaroa riki nakon te tamaroa ae rianako.
Ana euangkerio Iesu Kristo e reireiniira reirei aika rianako tamaroaia ni buokiira ni bitii maiura.
N tokana ibukin te kaa, te mwaane arei e aki roko n ana iango ae e na katuka uotana iaon te kaa ao bwa te tekateka bon te kabanea n tamaroa ae kona ni karaoaki.
Iangoi tabeua reirein te euangkerio aika a kona n ibuobuoki ni karekea te keerake n tamnei ni maiura, n atongii ti tabeua: te onimaki, te nanorinano, te ibuobuoki, te rairannano, te tangira, te tataro, te ikabwarabure.
A kona ni buokiira ni karaoi bitaki aika matoa man te tamaroa nakon te tamaroa riki nakon te tamaroa ae rianako.
Aikai bon reirein te kamaiuaki, bon tuan te abanuea ae te tiretio. Ngkana ti aki kona n ongeaba nakon tuua aikai, ti aki kona moan mimitongin te tiretio. (R&B 88:22).
E moanaki aia waaki ni kiba Taari ake te Wright n te kawai ae mangori. N te tai are a rinanoni kakaewenako ni maiuia a kakoaua bwaâtiaki moan waakiia ae warenakiâma tera tokin kawaia.
Taraan baika a uarereke ao aika beebete ni maiura e na uotiira nakon baika a korakora riki. A mwaiti mwaane ao aine aika korakora aika a roko man moaniwaaki aika mangori; ma aki toki n ti te tamaroa, ma a kataa aia kabanea ni konaa n riki bwa taian kabanea n korakora.
Ara Uea ae Iesu Kristo e waakina Maiuna n te aonaba mani moaniwaaki aika mangori. E mate ibukin ara bure ao e kauka te mataroa ibukira bwa ti na karietataaki ngkana ti kawakin Ana Tua.
Ana Mwakuri ni Kamaiu Iesu Kristo e na bon aki kona n onea mwiin tabera ni kaawakini tuua, bwa ti aonga ni karietataaki. Ara Tia Kamaiu e a tia ni kaota nakoira te kawai ae rianako tamaroana ibukin manga okira ni maeka ma Ngaia ao ma Tamara are i Karawa.