E Raneanea man Otamwaaka n te Ribwaburiki n Czech

Bokinaki iroun Sharon Goodrich, ana Maekatiin te Ekaretia

Ngaira ataein te Moanrinan n te Ribwaburiki n Czech. Aio arora ni kaotamwaaka ootara i abara.

N te tai are e bua iai otangan baiu ae mamate nanou iai. I bon rangi n taonaki n te nanokawaki. I tataro ma tinau, ma ti aki kunea. I kataia ni karekea te onimaki. Te wiiki are imwiina, tariu ae uarereke e kunea otangan baiu n te kaawa! Te Atua E kaekai ara tataro. I Tangiria, ao I ataia bwa E bon maiu.

Andre W., 9 ana ririki

Iai raoraou n te reirei aika tiaki kaain te Ekaretia ma a teimatoa ni karineai n anuau. Ngkana te tai are I ituangiia bwa ti na tataro, ao a kariaia! I bon rangi ni kukurei.

Ivana A., 11 ana ririki

Ngai ma raraou ti ruorikaaki n te kai n tamwarake. Ngke ti roko n te ereweita, e roko irou te namakin ae raoiroi bwa N na tuangiia raoraou bwa a na aki kabongana. Ma a bon aki kan ongo irou. I toua te kaintamwarake. Ngke I roko inano, ai akea raoraou ikekei. A bae n te ereweita! E maan tikuia i ieta imwain ae a otinako. I kukurei bwa akea te kabuanibwai ae kakaiaki ae riki. I namakinna naba ae raoiroi bwa I ira ana wirirkiriki te Tamnei ae Raoiroi.

Amalie N., 10 ana ririki

Iaon te bike, ao e moanna n roo karawa. E kare te ang ao e katei naao aika rangin ririeta! E rurunga te baa, te iti, ao e bwaka te karau ae aiti. A birinako aomata ni kataniia. Tiaki kabuanibwai n te angibuaka. Iaon kawaira nakon mweengara, ti noori teniua ieta neiwiraraa. Ti ataia bwa e buokiira ao e kawakiniira te Atua.

Jakub B., 10 ana ririki

N te reirei iai raoraou ae akea temanna ae tatangiria ni kan raoraonna. Tabeman ataei a moanna n taekin bwaai aika buakaka nakoina are e a karekea te namakin irouna ae aki raoiroi. I tuanga au tia reirei ao ni kaoa raoraou bwa N na takakaro ma ngaia. E kukurei iai raoraou!

Ludmila V., 8 ana ririki

I un iroun tinau ngke tuangai bwa N a nakon tebotebo ao imwina I a matu naba. N te bong are imwiina I nanokawaki n aron au rinerine aika aki raoiroi. E taku tinau bwa ti kona n tataro ao ni butiia te Tama are i Karawa ibukin kabwaraan ara bure. Ti katorobubua ao n tataro. I namakina te nakoraoi. I reiakinna bwa ti kona n rairinanora, ao ibukin Iesu Kristo, a na kabwaraaki ara bure.

Samuel H., 5 ana ririki

I kaota au kakoaua n te ekaretia. E karekea te ungannano! Man te tai anne, ao I a tia n namakina te Tamnei.

Eliska K., 11 ana ririki

Ngke e taonaki n te aoraki au man ni mweengau, I tataro ibukina. I kakaitau nakon te Tama are i Karawa ibukin buokara.

Aneta P., 10 ana ririki