Te Kantaninga i Holland

Iroun Megan Armknecht

E boboto i aon te karaki ae koaua

E maeka te tia korokaraki i New Jersey, USA.

Grace bon te teinaine ae 15 ana ririki ae maeka i Holland n tain te Kauoua ni buaka n te aonaaba E reitinako ni waaki te buaka n te tai ae maan. Aomata i Holland a baki, ao a tangiria bwa e na toki te buaka.

E bon nang rootaki Holland ni banen ririkin te kauoua ni buaka. A anai ni kabane bwaai kain te Nazi Tiaman E aki kona ni kaea te reirei Grace. Akea te aia ibukin kabuean aia auti. Grace ao ana utu akea aia kona ma ti te amwarake n taian uee n totokoa te mate man te baki. E bon rang maaitoto kanakiia! Ae te kabanea n aki nakoraoi, Tamara e tauaki naba bwa temanna te bure.

Ma iai namakinan te Kantaninga ae rootira. A taku aomata bwa a nang konaaki kain te Nazi Ao inanon Meei 1945, ao a taenikai. E a inaomata Holland n te kabanea n tai! A runga runga ni kukurei aomata inanon taian kawai. Ngkai e a kona ni kaea te reirei Grace. Ai akea Tautia ake a na maakaki.

Ae tamaroa riki bwa, n te bong teuana ngke a oki rikaki Grace ma manena man te reirei, ao a nooria bwa e kiba buraekin Holland i matan aia auti. Ataia bwa ti teuana nanon aei.

“E a oki Tamara!” e takarua Heber.

A biri n rinako Grace ao manena. E rabwata tamana ao n angana te inga ae maan. Tamana e rabwatia raoi naba. E nang kakukurei manga okin tamara n te mweenga.

E aki maan imwin anne, ao e waaki rokon bakete n amwarake, onea, ao bwain-aoraki i Holland. Taan Kairiri n te Ekaretia i Salt Lake City a kanakoi baike a kainanoaki ni buokia aomata imwin te buaka. E reke naba ana bwakaereti Grace. E bwaina te bwakaereti ae ti teuana i nanon nimaua te ririki, ngaia are e rang kukurei ngkai e a manga reke ana bwakaereti ae boou.

Inanon te tai ae rang maan, ao Grace e a bon tau rereken kanana. Te beretitentii n te mition ao te tautaeka i Holland a baireia bwa a na waakina te karikirake n unikan te buteeta ibukin karekean riki te amwarake ae mwaiti. A uniki taian buteeta kain te ekaretia n taabo aika uakaan. Imwain rokon te kamwaitoro ao a na kona ni karekei buteeta ae koro ngaa mwaitina ibukin te amwarake.

“Taraia!” E tuanga tamana Grace, ni kotea teuana te buteeta ae e moanna ni bwebwe. “Tiaki manga oki ni baki!”

E katoua atuna tamana ma e aki wingare. E taku, “I marooro ma Beretitenti Zappey. E tuangai bwa a bon reitinako naba ngkai ni baki kain te Aro i Tiaman, n ai arora. A aki karekea te buoka man te tautaeka n ai arora.” E katokai baina tamana i aon angan Grace. “E a tia ni bubuti Beretitenti Zappey ngkana ti kona n anga ara buteeta nakoia kain te Aro i Tiaman.”

“Tina manga anganako ara buteeta!” E tang Grace. Ma te botaki are Nazis ngaiia kain Tiaman! “Tao ngaia kain te Ekaretia, Tamau, ma e aki bita are ngaiia kain Tiaman.”

“I ataia ae e aki bebete,” e taku tamana “Ma ngaiia naba bon natin te Atua. E tangiriia naba. I kabwarai aia bure ibukin karikau bwa te bure. E kona te Uea ni buokira ni Kabwarai buure.”

E tararake n taraa tamana Grace. Ngaia bon te kabanea n ninikoria n aomata ae kinaa, ma e aki ataia ngkana iai irouna te unganano ba e na kabwarai buure n ai arona. Ngkane, E uringa temanna ana tia reirei n te reirei inanon tain te buaka. E taku ana tia reirei ba tiaki ni kabane I-Tiaman kain te Nazi, ao tiaki are ai bon ni kabane naba tautian te Nazi aika a buakaka. Ao ngkai e a bora te baki irouia ataeinimwane ao ataeinaine i Tiaman, n ai aron naba are riki nakon Grace.

E ikerake Grace. “I a mataata,” e taku “Tia angania ara buteeta.”

E inga nakoina tamana ao e wingare. “Ngkoe Mary bon temanna te ataeinaine ngkoe ae ko ninikoria. Aio te bwai ae rang matoatoa karaoana. Ma ngaira bon ana reirei Iesu Kristo, ai uana naba ma tarira ao manera ake I-Tiaman.”

E wingare Grace. A bua namakin aika buakaka ake i nanona, ao e namakina te rau ao te i tangitangiri. E a kona ni kabwarai aia bure I-Tiaman Ao E kona naba Iesu ni buokiia n tangiriia.