Aki Nakoraoni Maenakou ma Raou bon Teuana Au Kakabwaia ae Korakora

Iroun Hannah DeTavis

Ana Maekatin te Ekaretia

N tabetai ti noori bukin taian wirikiriki ao n tabetai ti aki. N anga aika uoua, ti riai ni mwakuri inanon te onimaki.

Tamnei

young woman looking out at the ocean

I maenako ma moan raou te mwaane n tairikin te tiamwa ae e itiaki.

Ni moantaain te bong anne, Ngai ma Carter (e a bitaki te ara) ao tia bon unuun naba—are e aki rang riai inanon ara kateniua n ririki, ara reitaki ae tokitoki. Ti a unuun naba ni bwaai ni kabane—man kanara ake ti kang nakon ara babaire ibukin taai aika a na roko. N te moantai, I baka n aki atai kabwakara ma kakaokorora “e katikitiki ara tangira i bon imarenara.” Ma aron ara takakaro ni mamaningare e a bitaki nakon te kakauntaeka ae e a kabotu.

N tairikin te tiamwa anne, ti uota te teretikoubu nakon te rereua n tarai taian buraneti. Ma ti kunea bwa ootan namwakina ae kaitara rotongtongin karawa e a kamabubua ara taratara. Ma te un n nano, ti a manga moanna ni kauntaeka—riki.

N tokina I a bobonako ni karekea te rau. “Bon tiaki aekakiu aei,” I iango. I ataaki bwa te tia raoi ngai ibuakoia tariu ma mwaaneu, ao I taetae n amarau ao n akoi nakoia raoraou ake tabeman. Ngaia are bukin tera I takarua nakon te ataeinimwanne ae I tangiria?

I tararake n taraa te nang ae rotongitong ao n tataro ni kan ataia bwa N na kanga ni kanakoraoa au reitaki ma Carter. N te tai ae waekoa, e a oneakimwiin uniu nakon te rau, ao I namakina te kukurei bwa te bwai ae tamaroa ae I kona ni karaoi ibukira ni kauoman ti nang katoka ara iraorao.

E waeremwe aron kaokan te nano. Iai taai ake I kariiriaki iai bwa N na katoka au iraorao ma Carter ma ibukina bwa I ururinga ae ti a rangi ni maan n iraorao ao nikinaira raoi. N tabetai I namakinna bwa e a un nanou iroun te Atua, ni kakoaua bwa E a tia ni kaini mataroan kakabwaia teuana ma teuana. E ngae n anne, I taua ana reirei Unimwaane Jeffrey R. Holland man te Kooram n Abotoro n te Tengaun ma Uoman: “Inanon taai ni maaku ao n nanououa ke taai ni kaangaanga … tau ni kamatoai bwaai ake ko atai ao teei ni matoatoa ni karokoa are a manga roko atatai riki tabeua” (“Te Uea I Kakoaua,” Riaona, Meei 2013, 93–94).

I aki te roko ni karekei “atatai riki tabeua” inanon namwakaina aika mwaiti, ao I moanna ni miimi ngkana arona bwa N na konaa. Imwiin teuana au tataro ma nanou ni koaua ibukin maenakora, e riingaki nanou iroun te Tamnei, n tuangai bwa ana wirikiriki te Tama are i Karawa bon ibukn mweeraoia Natina. Rongorongo n aron ae iai bukina Irouna e aki kakawaki n aron kakawakin riki au onimaki Irouna.

N ataakina bwa iai ana babaire te Tama are i Karawa ibukiu e anganai te kantaninga ibukin taai aika a na roko ao ni buokai ni manga moana riki au iraorao. N te Moaningabong teuana, I wareka Reirei ao Berita aika Tabu 88:40, are e reirei te Uea bwa “te ota e reitaki ma te ota.” I waekoa ni kunea bwa te reirei aei e kaineti ma te iraorao. I ataia bwa N na bon kukurei iroun temanna are e ibuokanbwai ma kakawakiu ao otau.

N te kabane ao I a kaitibo ma Austin. N te tai ae waekoa e a rang matoatoa ara rereitaki, man tangiran te amwarake ae te taco nakon ara mition n te United States. Tamneina ae nimamannei man kinaaki e booraoi ma arou, ao tokin te tai ao I mare ma ngaia. Te bwai are ti karekea tiaki te reitaki ae on n te kaitataan ma te kantiroaki n aron ae ko na kantaningaia n te kareke tangira ae ataaki ae otioti n te tamnei. E nakoraoi ao ni matoatoa—te bwai ae I kakoaua ae e na kona n teimatoa ni karokoa te toki.

Angiina mai ibuakora a tangira te kamataata ngkana ti karekei wirikiriki aika kaangaanga. Man au taneiai, I reiakinaki bwa onimakinan te Uea e kona ni buokiira n teimatoa n ongotaeka n aki ataa bukina bwa bukin tera. Ngkai ti onimakina te Atua ni bwaai ni kabane, ti kona n namakina te rau inanon ara babaire ni mwakuri iaon taian wirikiriki ni karokoa are ti karekei “atatai riki tabeua” E berita nakoia aika kakaonimaki.