Kawai Aika A na Katauraoiko ibukin Taai Aika na Roko
E ngae ngke ko reirei n te kaoreti, man ukoukoran te mwakuri, ke n reiakina te mwakuri, ko a karikirakea iai te katei ae e kakawaki ibukin katean abanuean te Atua.
I taku bwa tiaki te iango ae tamaroa ibukin te ataeinnaine ae 14 ana ririki ngke e mii bwa e mena inanon te ru ae bubura man bubu, ni uota te tiabora ae e a rara, ni kaitiaka ana auti temanna te aoti n te auti ae bubura ae boira. Ma I mena ikekei ngkana e bwara te reirei ni katoa bong ni karokoa ae I a ikawai ike I a karekea au mwakuri ae kaokoro.
Bon tiaki raoi au iango aei ae N na mwakuri n tain te reirei ae te kauarinan, ma I ataia bwa ngkana I kan karekea au mwakuri ae I tangiria n taai aika a na rokoâte mwakuri are e aki irekereke ma kaitiakan mwiia maanâI kainnanoa te kan reirei riki n te kaoreti, ao te kan nakon te kaoreti, I kainnanoa te mwane. I ataia i bon ibukiu, bwa te reirei bon te kawai ae riai nakon te (kantaninga) ibukin karekean te mwakuri.
Te bwai ae tamaroa bon te kawai teuana ae I a tia n rineia mai ibuakoia aika mwaiti are ngaia are e kona ni buokiko n reirei aron te mwakuri ao ni katauraoi ibukin kainnanom. E atongaki aei bwa te riki n toronibwai n rabwata ao n tamnei. Ngkana ko iangoi rakan riki am kawai, kataia n rinea te kawai are ko taku bwa e na kona ni katauraoiko raoi.
Karaki aikai bon mairouia aomata ake ko uaroro ma ngaiia tabeua te ririki n nako. Man irakin aia katooto kairake n ikawai aikai, ko kona ni kunea oin kawaim nakon te riki n toronibwai ae nakoraoi.
Iangoi Kainnanoia Kaain Rarikim
Iroun Oudom Piseth, Cambodia
Ao man kani kakoroan nanon au kouru, I aki toki n tuangai bwa te mwakuri korakora e rangin ni kakaawaki, ma te kawai teuana naba ae I riai ni kanakoraoia bon man te mwakuri n timwaati. Imwiin au mition i Engiran, I oki nako Cambodia ao n tarataraa te mwakuri n te mwaakete ngkana e tauraoi. I tarai bwaai n aron maanin te kataneiai ni karekean te mwakuri man tatabeua boon te kataneiai.
I kunea bwa te burokuraem n te kataneiai bon te tia kabooi nako kunnikai e uarereke ma e kakaongora, ao aki rang ni mwaitibati aomata aika a karaoia. I noria bwa te mwakuri ae raoiroi ao I baireia bwa N na anaa te burokuraem aio. E tuai bane au burokuraem ma I bon n tiku naba n riki bwa te tia kabooi nako bwaai ibukin te kambwana ni kunnikai.
Kakaean te mwakuri ae eti e kona n rangin ni kaangaanga, ma I ataia bwa au Tia Kamaiu ae na buokai ao ni kaungaai.
Kabongana te Reirei ni Kaukii Mataroa
Iroun Iolanda Teixeira, Cape Verde, Africa
E aki toki tinau ni kaungaai ma te taeka ae kangai, âTe reirei bon kingin te tokanikai.â I tangira te nakoraoi n tai aika a na roko ibukiu ao riki ibukiia au utu, ao karaoan aei, I kainnanoia ni kan reitanako au reirei. Ibukina bwa akea te mwane n nako n reirei n te kaoreti n te tai aei, I bubuti ibukin te tikaoratibu bwa I kan kaea te reirei ni mwakuri ao ni kamatebwaia ana tititem ao aron karaoan te kaombiuta.
Inanon au tai n reirei I kaitara ma kaangaanga aika kakaokoro, ma e aki katokai ni waaki nako ma au iango are e tiku iaon kan kanakoraoan arou nakon taai aika a na roko. E rangin n ibuobuoki te tataro, I aki toki ni bubuti buokau mai iroun te Uea. I a tia ni kabanea au tai ibukin au reirei, ao n te bong aei N na teimatoa ni kabanea au tai nakon au mwakuri, n anga au kabanea n tamaroa n riki bwa te tia karao kaombiuta ao te tia ibuobuoki n te mwaakete.
Mwakuri Ngkai Nakon te Bwai ae Ko Tangiria n Taai aika a na Roko
Iroun Ann-Sophie ao Lawrence Cavin, Scotland, UK
Ann-Sophie: I tatangira ni kamatebwai n te reirei n te iuniwetiri, ma au babaire n te bwai ae I tangiria ni kamatebwai iaona e korakora bitakina ngke I a roko n au ririki ae imarenan 13 ao 19. Imwiin banen au reirei man te reirei ae rietaata, I anganano bwa N na mwakuri n te onaoraki ibukin onoua te namwakaina. Man te tai anne ao au iango ngkoa Iare I kan riki bwa te neeti, ma akea au kaantaninga ae N na kona ni karaoia.
N au kiraati n te riki n toronibwai n au uoote, ti tuangaki bwa ti na rinea te mwakuri ae ti tangiria e ngae ngke akea ara atatai iai. I tataroakina bwa tera ae N na karaoia, ma e aki toki n roroko n au iango ae N na neeti. I baireia bwa N na ira ana wirikiriki te Uea.
Karaoan te kawai aei e aki bebete. Ni moanakina, I karaoa au ukeuke iaon te burokuraem ibukin te neeti bwa tera ae N na riai n kainnanoia ni kamatebwaia. I taetae nakoia aomata aika a tia n rinanon te aekaki ni waaki naba aei. Te moan tai are I kataa te burokuraem ibukin te neeti, I katukaki ibuakoia taan tataninga. Ma e aki bwara nanou; I a manga anga naba arau ao n tokina I butimwaeaki nakon te burokuraem. N tabetai ko na riai n taotaonaki n nano ao n onimakina Iehova ma nanom ni koaua bwa iai Ana babaire ibukim.
Lawrence: Ngke I ataei riki, I katea te kouru bwa N na riki bwa te kabanea n tamaroa n aomata n aki tabe bwa tera te reirei ae I kamatebwaia ke tera te mwakuri ae I karaoia. I aki toki ni kataia ni kamatebwaia ao n kanakoraoa riki au tai ibukin karekean te tokanikai.
I mwakuri ngkai bwa te manatia ibukin te kambwana ni kunnikai, ma nanou I tangiria ni kaina te taanga ni bureitiman. I Scotland, ko na riai ni maeka n te aba n te maan ae teniua te ririki ao ngkanne ko kabaea aram ibukin te kan riki ni bureitiman. Man te tai are I kitana te aba inanon uoua te ririki ni mwakuri ni mitinare, N na tataninga tabeua riki te namwakaina imwain riniu.
E ngae ngke e a tia n riki bwa te bwai n totoko ae bubura, I bon aki bwarannano. Iai au mwakuri ae tamaroa ibukin au utu, ao I a tia ni mwakuri korakora ni kakoaua bwa iai mwiin au mwakuri ae tamaroa ibukin taai aika a na roko.
N aroia kairake n ikawai aikai, ko kona ni kunea bwa a kona kawai aika kakaokoro aikai ni katauraoiko n tararuaiko ma am utu nakon taai aika a na roko. Ma am kouru anne n am iango, ko kona ni babaire ibukin kanakoraoana. Unimwaane Dieter F. Uchtdorf man te Kooram n Abotoro ake Tengaun ma Uoman e reirei, âTi a bane ni karaoa ara kabanea n tamaroa ao ni kaungaa te katei nakon te kabanea n tamaroa ni bwaai ni kabane aika ti karaoi. Ti a katei ara iango ao rabwatara nakon te kabanea ni kakimwareirei n tai ibukin te mwakuri ake a karekeaki n te bong ae boouâ (âTwo Principles for Any Economy,â Okitobwa 2009 maungatabu ni Kabuta). Ngkai ko kabanea am tai ngkai iaon te reirei ao te mwakuri, ko na karaoi anua ake a na kona ni buokiko n namakina riki te onimaki ibukin taai aika a na roko.