Faasino Upu o Tala o le Konafesi

O le lisi lea o aafiaga na filifilia mai saunoaga o le konafesi aoao, e mafai ona faaaoga i suesuega a le tagata lava ia, afiafi faaleaiga, ma isi aoaoga. O le numera o loo faasino i le itulau muamua o le lauga.

Failauga	Tala
Neil L. Andersen	(83) O le iloaina na silafia e le Faaola ona puapuaga, na faatoilaloina ai e se faifeautalai faamaoni ni lagona faanoanoa ao faasolosolo ina manuia mai ni manu’a na afaina ai i pomu a le au faatupu faalavelave. I le mavae ai o le maliu o lona afafine, na tautino atu ai e Russell M. Nelson o le a faaaoga e Iesu Keriso ki o le toetu mo i latou uma o e maliliu. Molimau atu Russell M. Nelson i tagata o le ekalesia i Puerto Rico faapea, “e mafai ona tatou maua le olioli i le lotolotoi o o tatou tulaga sili ona leaga.”
Brian K. Ashton	(93) Ua malamalama lelei le faletua o Brian K. Ashton i le natura o le Atua ma Lona alofa ma le agaga faafetai mo Ana fanau.
M. Russell Ballard	(71) Ina ua mavae le lagonaina o le faanoanoa tele i le maliliu ai o tagata o le aiga ma le faitau miliona i taua ma faama’i, sa mauaina e Iosefa F. Samita “le faaaliga o le togiolaina o e ua maliliu.”
Steven R. Bangerter	(15) Na tanuina e fanau a fanau a Steven R. Bengerter ni tamai maa e suitulaga ia Iesu Keriso o le faavae o se olaga fiafia. Ua toe faamanatu mai e Peresitene Russell M. Nelson i matua o latou tiutetauave ina ia aoaoina a latou fanau. Ua ofoina atu e le atalii o Steven R. Bengerter le fesoasoani i ona matua e saunia ai e auauna atu i se misiona. Ua taialaina e le Agaga Paia se tamalii matua ia toe foi i le Ekalesia ma i le saogalemu faaleagaga o lona olaga laitiiti.
Shayne M. Bowen	(80) O le liuaina o se tamalii i le Ekalesia e ala i le mana o le Tusi a Mamona na tele si aafiaga ia Shayne M. Bowen.
M. Joseph Brough	(12) I se malaga i Alaska, ISA, na aoao ai e M. Joseph Brough faapea e leai lava se mea e tasi e le mafaia e le Atua. Na aoaoina e se peresitene o se siteki faapea o le filemu e sau faatasi ma le faamagaloga e ala i le Togiola a Iesu Keriso. E ala i lona manao e auauna atu i se misiona, na aoao atu ai e le afafine o M. Joseph Brough ia te ia ia faia mea faigata.
Matthew L. Carpenter	(101) Na faamaeaina e le atalii o Matthew L. Carpenter lana misiona faafaifeautalai ina ua mavae lona toe malosi mai se ma’i o le pe o le tino.
D. Todd Christofferson	(30) E ui i faigata, na tumau mausali ni sui e toafa o le Ekalesia i lo latou faatuatua ia Keriso ma mauaina Lana fesoasoani lagolago.
Quentin L. Cook	(8) Na faamalosia e le Sau, Mulimuli Mai ia te A’u—Mo Tagata Taitoatasi ma Aiga le faatuatua, molimau, ma le malamalamaaga i le talalelei o se aiga i Pasila.
Bonnie H. Cordon	(74) Na faia e se tamaitai talavou ma se uso matua se faauooga lea na faamanuiaina ai o laua olaga. Na atiinaeina e Bonnie H. Cordon ma lana soa o le auaunaga se sootaga vave o le alofa ma se uso sa la asia. Na atiinaeina e se tuagane o le auaunaga se sootaga mafana ma faatuatuaina ma se tuagane na taumafai lona toalua e pule i le ola.
Michelle D. Craig	(52) Na aoao atu e Camilla Kimball se tagata o le uarota ia “aua lava ne’i teenaina se mafaufauga lelei.”
Dean M. Davies	(34) Na muai vaaia e Peresitene Gordon B. Hinckley le nofoaga e tatau ona fausia ai le Malumalu o Vancouver British Columbia.
Henry B. Eyring	(58) Na ofo Henry B. Eyring pe na faapefea ona maua e lona tina le taimi ma le malosi e fai ai se faafanua o femalagaaiga a le Aposetolo o Paulo. (90) Na aoao Henry B. Eyring ina ia taulimaina tagata e pei o latou “i ai i le ogaoga o faigata.” Na tauaveina e le Faaola le faletua o Henry B. Eyring e ala atu i ona faigata.
Cristina B. Franco	(55) Na aoao e Cristina B. Franco o le alofa ma le ositaulaga o ni mea faalilolilo lea sa i totonu o le keke sukalati a lona faiaoga Peraimeri.
Robert C. Gay	(97) Na fesoasoani le Agaga Paia ia Robert C. Gay ina ia vaai atu i lona tuafafine matua e pei ona silasila mai ai le Atua ia te ia. Na auauna atu James E. Talmage i se aiga na mafatia i le faama’i o le diphtheria.
Jack N. Gerard	(107) Ina ua uma ona suesueina Jack N. Gerard ma iloa ai e maua i se ma’i ogaoga, sa ia vaai atu i lona olaga mai se vaaiga e faavavau.
Gerrit W. Gong	(40) Na talanoaina e Elder Richard G. Scott ma Gerrit W. Gong le faatuatua ao la valiina se atavali o le afi o le tolauapiga. Na fesoasoani se tasi e umia le perisitua i se ulugalii e le o toe toaaga i le lotu ia toe foi mai i le Lotu.
Jeffrey R. Holland	(77) O se aioiga faaleauaunaga mai lana fanau na fesoasoani i se tama ia faamagalo atu ma toe foi i le Lotu, ma aumaia ai faamanuiaga i lona aiga.
Joy D. Jones	(50) Na atiinaeina e Joy D. Jones ma lona toalua se faauooga umi ma se aiga sa lei toe toaaga mai i le lotu i le mavae ai o le aoaoina ia auauna atu ma le alofa mo le Alii.
Russell M. Nelson	(6) E fiafia se tina e fai lotu i lona fale ona o le faamanuiaina o le faamanatuga i lona fale i Aso Sa taitasi na uunaia ai lona toalua ia faaaoga le gagana sili atu. (68) Na faafuasei lava ona faatatau Russell M. Nelson ia te ia o se tina. Na faafetai atu se atalii i lona tina ina ua mavae le taitaia o ia e le Agaga Paia e fesuiai lana telefonipoto mo se telefoni faamoe. (87) Na faamatala e Benjamin De Hoyos i se taitai mo polokalama a le leitio faapea o le igoa umī o le Ekalesia na filifilia e le Faaola.
Dallin H. Oaks	(61) Na falepuipui se alii talavou sulufai ina ua mavae le tali faasagatau atu i talavou na taufaalili ia te ia.
Paul B. Pieper	(43) Na fai mai se teineitiiti o loo sauniuni e papatiso o le ave o le suafa o Iesu Keriso o lona uiga, “E mafai ona ou maua le Agaga Paia.”
Ronald A. Rasband	(18) Na faatoilalo e le afafine ma le atalii faaletulafono o Ronald A. Rasband lo la fefefe i le aumaia o fanau i le lalolagi.
Gary E. Stevenson	(10) Sa faaloaloa atu e se uso i le uarota se lima auauna atu ia Carlos A. Godoy o le na se ese. Na leiloloa mamoe e 200 a se leoleo manu i manufeai. Na taitaiina e se taifau leomanu ni mamoe na leiloloa i le saogalemu.