Faasologa Fou mo le 2019

E amata atu ia Ianuari 2019, o le a faia sauniga o korama a toeaina ma le Aualofa i na o Aso Sa lona lua ma le lona fa o masina taitasi. O nei sauniga o le a taulai atu i savali mai le konafesi aoao aupito lata mai. O fautuaga mo le aoaoina atu mo nei sauniga o loo maua i lomiga o konafesi aoao ia Me ma Novema o le Ensign ma le Liahona ma i le Gospel Library app.

O isi suiga e amata i le 2019 e aofia ai mea nei:

• O fonotaga faaaufono i Aso Sa muamua o le a faamutaina. Peitai, pe a manaomia, e mafai e korama a toeaina ma Aualofa ona faaaogaina se vaega o se vasega a le korama e fefautuaai ai e uiga i se autu patino.

• O sauniga amata, lea e potopoto faatasi ai korama o Perisitua Arona ma le Perisitua Mekisateko po o tuafafine o le Aualofa ma tamaitai talavou, o le a le toe faia.

• O le a lē amataina sauniga o le korama a toeaina ma le Aualofa i se pese po o se tatalo ae o le a faaiuina i se tatalo faaiu.