Tala Fou o Malumalu
Ua fuafua le Ekalesia e fausia ni malumalu fou se 12, na faasilasila mai e Peresitene Russell M. Nelson i lana malelega faaiu i le konafesi aoao (tagai i le itulau 113). Na ia faasilasila mai ai foi ni fuafuaga o le toe faaleleia o le Malumalu o Sate Leki ma isi malumalu o “augatupulaga a paionia”, ma faaopoopo mai o le a tuuina mai na faamatalaga i se taimi mulimuli mai.
O malumalu o le a fausiaina i Mendoza, Atenitina; Salvador, Pasila; Aai o Iupa, Kalefonia, ISA; Phnom Penh, Cambodia; Praia, Cape Verde; Yigo, Guam; Puebla, Mekisiko; Aukilani, Niu Sila; Lagos, Nigeria; Davao, Filipaina; San Juan, Puerto Rico; ma le Itumalo o Uosigitone, Iuta, ISA.
E fa malumalu e le o toe mamao ae faapaiaina: o le Malumalu a Concepción Chile i le aso 28 o Oketopa; le Malumalu o Kolumupia i le aso 9 o Tesema; le Malumalu o Roma Italia i le vaiaso o le aso 10 i le aso 17 o Mati, 2019; ma le Malumalu o Kinshasa Temokalasi Ripapelika o Congo i le aso 14 o Aperila, 2019.
Ma e lua malumalu na toe faapaiaina talu ai nei: o le Malumalu a Houston Texas na toe faapaiaina i le aso 22 o Aperila, 2018, ma le Malumalu o Jordan River Iuta lea na toe faapaiaina i le aso 20 o Me, 2018.