Kairekerekeko ma te Boki n Anene n Kuuna n Taromauri ae boou

Te Ekaretia e katauraoa ngkai boretinakin booki aika uoua Kuuna n Taromauri ao Aia Boki n Anene Ataei ao e kakaai iango ni ibuobuoki ao anene ake a tangira karinakiia mai irouia membwa man tabo nako.

N newmusic.lds.org, ko:

Anga am iango—te kuna n taromauri ae e mamate nanom iai ke aia anene ataei, kuuna n taromauri man booki ibukiia Aika Itiaki ni Boong aika Kaitira–ke kuuna man ake tiaki kunan te Aro ke kunaia ataei bwa e na karinaki, anene ake ngkai n te boki n anene ake ko aki tangira karinakiia, matoatoan kanoan boki n anene ake ngkai, ao tabeua riki ami iango.

Kanakoi ake moan katotoon—anene n taromauri, taekan anene n taromauri, aia anene ataei ke rongorongon taekan aia anene ataei. Katangitang a na riai n raoiroi ibukin te bootaki n nebonebo. Taian taetae ao katein te aba a na taraaki. Ake a bwaka aia ririki iaan 18 a kona ni kanakoi aia anene ngkana iai aia kariaia aia karo ke taan tararuaiia. Bwaai ake a na kanakoaki ana riai n roko n Turai 1, 2019.