Bairean Tain te Taromauri ae Boou ibukin 2019

Ni moanaki man Tianuare 2019, bobotaki n te kooram n unimwaane ao n te bootaki n aine a na karaoaki ti ni kauouan ao kauan Tabatin te namwakaina nako. Bobotaki aikai a na boboto iaon rongorongo man te maungatabu ni kabuta ae e a tibwa tia. Kairan te reirei ibukin bobotaki aikai a kona ni kuneaki ni beba ni wareware ibukin te maungatabu ni kabuta ake a otinako ni Meei ao Nobembwa n te Riaona ao n te Gospel Library app.

Bitaki ake tabeua ake a na karaoaki n 2019 bon aikai:

• E nang katokaki te bowi ni kauntira are e kakaraoaki ni moan Tabatin te Namwakaina. Ma, ngkana e noraki riaina, e kona te kooram n unimwane ao te Bootaki n Aine ni kabongana mwakoron te bootaki are n te kauoua ke te kaua n Tabati ni maroroakina te maroro ae kakaawaki.

• Taian kaukuki, are a ikotaki iai kaain te Nakoanibonga ae te Aaron ao te Merekitereka ke are a ikotaki iai aine man te Bootaki n Aine ao Ataeinaine, e nang aki karaoaki.

• E nang aki moanaki aia bobotaki te kooram n Unimwane ao te Bootaki n Aine ma te anene ni kaukuki ke te tataro ni kaukuki ma e na kainaki n te tataro ni kainin.