Taromauri n te Kaua-n Tabati (Okitobwa–Ritembwa 2018)
Kamatebwaian koroboki aika tabu IBON iroum ao n te utu
Ni kauan Tabatin te namwakaina n 2018, te kooram n unimwaane ao te Bootaki n Aine a na maroro iaon kamatebwaian koroboki aika tabu ibon iroum ao n te utu. Taan kairiiri ao taan reirei a kona n rineia bwa a na kairi maroro iaon reirei aikai.
Kamatebwaian Koroboki aika Tabu Ibon Iroum
Bwa e aonga n unga nanoia membwa ni kan kamatebwai man koroboki aika tabu ni katoa tai, iangoa kaoaia membwa n tatabeman bwa a na rinea teuana mai ibuakon kiibu aikai bwa a na wareki: Iotua 1:8; 2 Timoteo 3:15–17; 1 Nibwaai 15:23–25; 2 Nibwaai 32:3; Reirei ao Berita aika Tabu 11:22–23; 33:16–18. Imwin aia tai ni wareware ao aia kamatebwai iaona, a kona n tibwauaia ma tabeman n te ru bwa tera reirei ae a karekea man kamatebwaian te wareware anne.
Ko na kona naba ni kaoia membwa n tibwaua aia koaua iaon kakabwaia ake a karekei inanon kamatebwaian boki aika a tabu. Membwa a na kona naba n reke buokaia man ongoraia ibon irouia n tatabemania man tibwauan te bwai are a tia ni karaoia ni karekea bwa kamatebwaian boki aika tabu e rangi ni kakawaki nakoia (tarai tabeua katoto n “Iango iaon karikirakean am kamatebwai iaon boki” Nakomai, Iriirai—Ibukiia Aomata n Tatabemania ao Utu). Ko kona n tibwauaia ma membwa te bwai are e reiakinaki iroun Unimwaane Quentin L. Cook “Oin bukin ao kakabwaia ake a irekereke ma [te bitaki n ana burokuraem te reirei n Tabati] ao bitaki tabeua ake ngkai” (taraa “Te Nano ao te Kabanea n Rairaki nakon Tamara are I Karawa ao te Uea ae Iesu Kristo,” Riaona, Nob. 2018). Membwa a kona ni maroroakinna bwa e kanga aron kakorakoraia ni karikirakea te kamatebwai iaon booki aika tabu ni buokia ni kakoroi nanon kantaninga aikai. Taian witeo aikai iaon LDS.org e na kona ni kaungaia membwa: ”Taeka mairouia Raora,” “Kakabwaia man Booki aika Tabu”, “Kanara n Tainako: ma Teina,” ao tera nanon Booki aika a Tabu nakoiu.”
Te Teimatoa ni Kamatebwaia te Euangkerio
Unimwaane David A. Bednar e kabotaua te teimatoa ni kamatebwaian booki aika a tabu n te utu ma aroaro aika a tamaroa bwa ai aron mwiin wiin te burati ae uarereke are e karaoa te been ae Tamaroa. Ni buokiia membwa bwa a na ota n te bwai are e reirei iaona Unimwaane Bednar, tao ko kona ni kaota tamnein te korobanna n te been are e kona n noraki iai mwiin wiin te burati. A kona ngkanne membwa ni wareka ana kabotau Unimwaane Bednar, are e kuneaki n “More Diligent and Concerned at Home” (Riaona, Nob. 2009, 19–20), ao marorokinna bwa e kanga taian tanetane n te korobanna aei n titebo ma te kamatebwai ni koroboki aika tabu. Tera ae e a tia ni buokiira n tokanikai iaon totoko man kamatebwaian te euangkerio ae reitinako, ngkana ti kamatebwai ibon iroura ke n ara utu? Tera ae e berita Russell M. Nelson nakoia naake a “mwakuri korakora ni karika [mweengaia] bwa te tienta ni kamatebwaian te euangkerio ”? (taraa “Riki bwa Aomata Aika Itiaki ni Boong aika Kaitira,” Riaona, Nob. 2018). Anga te tai ibukiia membwa bwa a na iango ao n tibwai baike a namakin bwa a na karaoi mai mwin baike a reiakin n te bong aei.
Maroroakinan te Euangkerio n te Mweenga ao n te Ekaretia
Teuana te kawai ni buokia membwa bwa a na ota ni kakawakin maroroakinan te euangkerio n te mweenga ao n te ekaretia bon kaoan te ataei ao te karo bwa a na anenea “Teach Me to Walk in the Light” (Hymns, na. 304). Tera te reitaki imarenan te ataei ao te karo n taekan te anene aei are e reireinia taekan kamatebwaian te euangkerio? Tao tabeman membwa a na kan tibwa aia iango bwa tera te anga are e na riki iai maroroakinan te euangkerio bwa te katei ae bwainaki n tainako n te utu. Kibu aika a kona ni katauraoi taian nonori: Te Tua Kaua 11:18–20; 1 Betero 3:15; Motiaea 18:9; Moronaai 6:4–5, 9; Reirei ao Berita aika Tabu 88:122. E na kanga ara maroro ni mweengara ao n te ekaretia ni kanira ma Tamara are i Karawa ao Iesu Kristo?