Bairean Tain te Taromauri ibukin Okitobwa–Ritembwa 2018

N 2018, Boobotaki n te Tabati n te Kooram n Unimwaane ao te Bootaki n Aine a ira babairean taai aikai ni katoa namwakaina:

Moan Tabati: Bootaki n reirei iaon taekan tabeia kaain te tabo, taai, ao kakaewenako, ao ni karaoi babaire ni karaoa ana mwakuri te Uea.

Te Kauoua ao te Kateniua n Tabati: Kamatebwai rongorongo man te maungatabu ni kabuta are e a tibwa tia n nako ake a rineaki irouia membwa n te beretitentii ke, n taai tabetai, iroun te bitiobi ke te beretitenti n te titeiki.

Kaua n Tabati: Maroroakina te rongorongo ae onoti ae rineaki man te Moan Beretitentii ao te Kooram n Abotoro n te Tengaun ma Uoman. Man Okitobwa ni karokoa Ritembwa 2018, atun te reirei bon kamatebwaian koroboki aika tabu iroun temanna ao n te utu.

Kanimaua n Tabati: E mena iaan ana kairiri te bitiobiriki.