Elder Brook P. Hales

Vitusagavulu Vakaitutu Raraba

Ena gauna se qai yabaki walu se ciwa tiko kina o Elder Brook P. Hales, a tiko ena dua na soqoni ni lolo kei na ivakadinadina ka a kena bisopi tiko kina o tamana.A sureta na ivavakoso o tamana mera solia ivakadinadina, ka voleka ni ira kece era a soli ivakadinadina. “E rairai a imatai ni gauna au a vakila kina na Yalo me vakadinadinataka vei au ni sa dina na kosipeli,” a nanuma lesu o Elder Hales.

Sa vakatekivu mai kina me vakila vakavuqa oqo, vakabibi nona sa veiqaravi vaka-sekeriteri ki na Mataveiliutaki Taumada mai na 2008.Ena gauna sa tokoni kina o Peresitedi Thomas S. Monson me parofita ka Peresitedi ni Lotu, ka vakakina nona tokoni o Peresitedi Russell M. Nelson, a vakadinadinataka “ni sa lutu na ilesilesi ni parofita vei rau yadua na turaga oqo, kau kila ka sega na vakatitiqa ni rau sa digitaki ka kacivi me rau Peresitedi ni Lotu ena nodrau gauna.”

A kacivi o Elder Hales me Vakaitutu Raraba ena Vitusagavulu ena ika 17 ni Me, 2018, ka tokoni ena 6 ni Okotova, 2018. Ena tomana tiko me sekeriteri ki na Mataveiliutaki Taumada.

A sucu mai Ogden, Utah, USA, enai ka 7 ni Epereli, 1956, kivei Klea kei Glenn Phillip Hales, ka a taura o Elder Hales na nona diqiri ni baqe kei na veika vakailavo mai na Weber State College (sa Weber State University tiko nikua) ena 1980. Ni oti nona qeretueti, a laki cakacaka ena dua na baqe ni bisinisi vakakina ena Tabana ni Veika Vakailavo kei na iTukutuku ni Lotu. A vakamautaki Denise Imlay ena 1981, ka rau itubutubu ni va na gone. A laki kaulotu tudei o Elder Hales ki na Tabana ni Kaulotu o France Paris, a daunivakasala ena matabisopi, iliuliu ni ilawalawa ni bete levu, bisopi, peresitedi ni iteki, daunioqani ni matabete, qasenivuli ni Matawilivola ni Siga Tabu, ka dauveivauci e valetabu.

Ena siga o ya ni se cauravou lailai, a sega ni cavuta o Elder Hales na nona ivakadinadina. Ia sa kaukauwa cake tikoga mai na gauna o ya. “Na kosipeli i Jisu Karisito sa vakalesuimai vei Parofita Josefa Simici, ka sa dina na iVola i Momani, ka sa lomani keda vakauasivi na Kalou ka sa lomana me vakalougatataki keda, o Jisu sa noda iVakabula, ka da sa kalougata ni sa noda itokani na Yalo Tabu ni da sa kilikili kina,” a kaya.