iTukutuku ni Na Valetabu
Sa tuvanaka tu na Lotu me tara e 12 na valetabu vou, ni sa mai vakaraitaka raraba oqo o Peresitedi Russell M. Nelson ena itinitini ni nona vosa ena koniferedi raraba (raica na tabana 113). A vakaraitaka talega kina na ituvatuva ni kena vakavoutaki na Valetabu e Salt Lake kei ira na valetabu “ni itabatamata painia,” ka kuria ni na qai vakamatatataki yani vakamalua.
Era na tara na veivaletabu oqori ena veivanua oqo: Mendoza, Argentina; Salvador, Brazil; Yuba City, California; Phnom Penh, Cambodia; Praia, Cape Verde; Yigo, Guam; Puebla, Mexico; Auckland, New Zealand; Lagos, Nigeria; Davao, Philippines; San Juan, Puerto Rico; kei Washington County, Utah.
E va na valetabu era sa na vakarau vakatabui tiko: na Valetabu e Concepción Chile ena 28 ni Okotova; na Valetabu e Barranquilla Colombia ena 9 ni Tiseba; na Valetabu e Rome Italy na macawa ni 10 ni Maji ki na 17 ni Maji, 2019; kei na Valetabu e Kinshasa Democratic Republic o Congo ena 14 ni Epereli, 2019.
E rua na valetabu rau se qai vakatabui tale oti toka ga oqo: na Valetabu e Houston Texas a vakatabui tale ena 22 ni Epereli, 2018, kei na Valetabu e Jordan River Utah a vakatabui tale ena 20 ni Me, 2018.