Vulica na itukutuku mai na Koniferedi Raraba (2018 kei 2019)
Na nodra ivakavuvuli na parofita bula, daurairai ka dauvakatakila e rawa ni vakarautaka na veituberi me baleta na cakacaka ni kuoramu ni talatala qase kei na Soqosoqo ni Veivukei. Na macawa ni vulici ni itukutuku ni koniferedi, na kuoramu ni talatala qase se mataveiliutaki ni Soqosoqo ni Veivukei erau na digitaka e dua na itukutuku ni koniferedi me vakayagataki, yavutaki ena nodra gagadre na lewenilotu. Ena so na gauna, na bisopi se peresitedi ni iteki e rawa talega ni vakatura e dua na itukutuku. Me na vulici vakalevu na nodra itukutuku na lewe ni Mataveiliutaki Taumada kei na Kuoramu ni Apositolo Le Tinikarua. Ia, o ira na lewe ni mataveiliutaki me digitaka e dua na itukutuku mai na koniferedi wale tikoga oqo, ka yavutaki ena nodra gagadre na noda yalododonu kei na veivakauqeti mai vua na Yalo Tabu.
O ira na iliuliu kei na qasenivuli e dodonu me kunea na sala me vakayaloqaqataki ira na lewenilotu me ra wilika taumada na itukutuku digitaki. Era na vakayaloqaqataki na lewenilotu me ra lako mai ni ra vakavakarautu ki na soqoni me ra wasea na dina ni kosipeli era sa vulica kei na nodra nanuma me baleta na iwalewale me ra cakacakataka na dina o ya. Na itaviqaravi ni vuli e vakaturi tiko e ra, era yavutaki ena ivakavuvuli ni Veivakavulici ena Sala ni iVakabula, me vukei ira na lewenilotu me ra vuli mai na itukutuku ni koniferedi raraba.
Quentin L. Cook, “Saumaki e Titobu ka Tudei vei Tamada Vakalomalagi kei na Turaga o Jisu Karisito”
Oira na lewe ni lotu era gadreva me ra veirogocitaka na nodra dui nanuma taumada ena gauna era rogoca na veisau e vakamacalataki tiko ena itukutuku nei Elder Cook. Kevaka e dua na itokani ni dua tale na matalotu me tarogi ira na cava sa yaco tiko kina na Lotu na veisau vakaoqo, na cava era na kaya? Vakayaloqaqataki ira me ra vaqara na kena isau ena itukutuku nei Elder Cook. Na cava e rawa ni da cakava vaka tamata yadua kei na matavuvale, kei na kuoramu se Soqosoqo ni Veivukei, me vakadeitaki ka vakayacori na veisau e vinakata na Turaga? Me tiki ni veivosaki oqo, sa rawa talega mo wasea na vei vakasama eso mai na itukutuku mai vei Peresitedi Nelson e Na iDola ni Vosa e vakauqeti ira kina na lewenilotu mera “yalovakanuinui” ena veisau oqo.
Ronald A. Rasband, “Dou Kakua ni Rere”
Na nona itukutuku o Elder Rasband e vakatakilakilataka eso na tikina mai na ivolanikalou e rawa ni vukei keda me kauta laivi na rere e tiko vei keda me baleta na veigauna dredre eda bula tiko kina. Kerei ira na lewenilotu me ra vakasaqara na vei tiki ni ivolanikalou oqo me ivakasala e ra rawa ni wasea vei dua e rerevaka tiko na veisiga ni mataka. Na cava soti tale e rawa ni ra wasea mai na itukutuku nei Elder Rasband? Na rere e “[yalana] vakacava na ituvatuva matau vei ira na luve ni Kalou”? Sureti ira na lewe ni lotu me ra wasea na sala era sa vulica me vakadruka na nodra rere ka bula ena vakabauta.
David A. Bednar, “Soqona Vata na Ka Kecega me Duabau vei Karisito”
Vakasamataka me kau mai e dua na dali kei na jekelisi me ivakaraitaki. Sureta na lewe ni lotu mera veivosakitaka na kedrau duidui na kena saravi na dina ni kosipeli kei na vei parokaramu ni Lotu me vaka e dua na dali kei saravi ira me vaka e dua na jekelisi ni ulutaga yadua kei na itavi. Vakayaloqaqataki ira na lewenilotu me ra vakaraica na vei vakasama eso mai na ivakaraitaki ena itukutuku nei Elder Bednar. Na cava na kena ibalebale me “soqona vata na ka kecega vei Karisito”? (raica na Efeso 1:10). Na cava e rawa ni da cakava meda ciqoma na yalayala e tiko ena itinitini ni itukutuku nei Elder Bednar?
Dallin H. Oaks, “Na Dina kei na iTuvatuva”
E vukei keda vakacava na noda kila na “vakalesui mai ni dina ni kosipeli” ena gauna eda sotava kina na veisaqasaqa ki na noda vakabauta kei na ivakarau? Me saumi na taro oqo, na lewe ni lotu e rawa ni railesuva na ivakaraitaki ni yavu ni dina ena iwasewase II ni itukutuku nei Peresitedi Oaks. Era rawa talega ni o railesuva na ivakaraitaki eso ni veidina sa bulataki (raica na iwasewase III). E rawa ni veivuke vei ira na lewenilotu me ra dramataka ka vakayagataka na veidina oqo me sauma vei ira dau saqata na vakavuvuli ni Lotu se na vakatovotovo.
D. Todd Christofferson, “Kaukauwa ka Tudei ena Vakabauti Karisito”
E rawa mo tekivuna na veivosaki me baleta na itukutuku oqo ena nomu droinitaka e dua na laini ena vava ni volavola ena Vakauqeti Vakaitikotiko ena dua na yasana ka Dina va-Karisito ki na dua tale. Sureti ira mera wilika na parakaravu e tekivu tiko “E vuqa vei keda e kunea ena gauna oqo ena dua na ivakatagedegede …” ka vakasamataka na ka era vakila ni ra yacova na ivakatagedegede. Na cava eda vulica mai na nona ivakaraitaki ena itukutuku nei Elder Christofferson e vakauqeti keda me da tudei ka yalodina ena gauna ni rarawa? (raica talega na Alama 36:27–28). Vakayaloqaqataki ira na lewenilotu me ra wasea na ivakaraitaki eso na tamata era kila era sa vakaraitaka tiko na dina va-Karisito ki na kosipeli, ena gauna mada ga e sotava tiko na rarawa.
Ulisses Soares, “Duabau ga vei Karisito”
Me vaka e tukuna o Elder Soares, na uciwai levu na Amazon e matataki ira vakacava na lewe ni Lotu vakalesui mai i Jisu Karisito? Na cava e vakavulica vei keda na veivakatauvatani oqo me baleta na veivakauqeti ni lewenilotu vou e rawa ni vakayarayarataki kina na Lotu? Na cava eda cakava va kuoramu se Soqosoqo ni Veivukei me muri na vakasala nei Elder Soares me vakauqeta, tokona, ka lomani ira na lewenilotu vou? (raica na Moronai 6:4–5). Ena rawa ni wasea eso na lewe ni lotu eso na bolebole era a sotava ni ra lewe ni Lotu vou kei na nodra vukei ira na lewe ni lotu tale eso. E rawa talega mo veivosakitaka na sala e vaqaqacotaka na nomu tabanalevu se tabana na lewe ni lotu vou.
Gerrit W. Gong, “Na Noda Bukawaqa ni Keba ena Vakabauta”
Mo vakaraitaka na iyaloyalo ni dua na bukawaqa ni keba ka sureti e dua me wasea na ka e a sotava se vakavinavinaka vakalevu ni sa dua na soqo ena yasanibuka. Kerei ira na lewe ni lotu me ra veivosakitaka na cava a vakaibalebaletaka o Elder Gong ni a veitalanoataka na “yasanibuka ni vakabauta.” Mo qai wasewasei ira na lewe ni lotu ka sureta na ilawalawa yadua me ra railesuva ka wasea e dua vei ira na lima na sala ka a vakatura tiko o Elder Gong “yasanibuka ni vakabauta” ena rawa ni vakauqeti keda. Solia vei ira na lewe ni lotu yadua na gauna mera vakasamataka vagumatua na cava era na vaqaqacotaka kina na nodra vakabauta se na nona vakabauta e dua era kila.
Dieter F. Uchtdorf, “Vakabauta, Loloma, Kitaka”
E rawa mo tekivuna na veivosaki me baleta na itukutuku oqo ka vola ena vava ni volavola na lomabibi kei na bula marau. Sureti ira mera vakasaqara na itukutuku me baleta na ivakarau ni bula kei na nodra vakabauta e muataki ki na lomabibi kei na marau ka tuvai ira ena vava ni volavola. Sureti ira mera wasea na sala eso era a sotava na marau e kauta mai na vakabauta, loloma, ka kitaka, me vaka e vakavuvulitaka o Elder Uchtdorf. Vakayaloqaqataki ira na lewenilotu me ra raica e dua na vosacavuti veivakauqeti mai na itukutuku oqo me ra vakaraitaka ena nodra vuvale se wasea vei dua na itokani.
Joy D. Jones, “E na Vukuna”
Sa rawa mo wasea na italanoa ena itekivu ni itukutuku nei Sisita Jones ka kerei na lewe ni lotu me ra vakasamataka na gauna ni nodra veiqaravi kei na nodra sasaga ni veiqaravi e vaka me “sega ni kilai se … e sega ni ciqomi, se sega ni vinakati sara.” Ni oti na kena veivosakitaki na italanoa, vakasamataka mo vola ena vava ni volavola Na cava beka me da veiqaravi kina? Sureti ira na lewe ni lotu me ra sauma na taro oqo nodra raica lesu na vo ni itukutuku nei Sisita Jones, ka vaqara na vakasama eso (raica talega na Vunau kei na Veiyalayalati 59: 5). E rawa vakacava ni veisautaka na sala eda qaravi ka veiqaravi vei ira vakataki ira mai na ivakasala nei Sisita Jones?
Michelle D. Craig, “Na Tawamamau Vakalou”
E vosa o Sisita Craig na kena maliwa ni evei kei o cei o keda, kei evei kei o cei eda vinakata me da ucuya. Sala cava e gadreva na Kalou meda vakila na maliwa oqo? E vinakata vakacava o Setani meda vakila vakacava? E rawa ni ra vakasaqara yadua na lewe ni lotu na tolu na iwasewase ena itukutuku nei Sister Craig ka vakaraica na isau ki na veitaro oqo. Na cava e rawa ni da cakava me vakadeitaka ni sega ni yaco me noda “loma ocaoca vakalou”, a “dada ni yalolailai”?
Cristina B. Franco, “Na Marau ni Veiqaravi Yalosavu”
E wasea o Sister Franco ni “loloma e vakatabui ena solibula”, e rua na italanoa—e dua me baleti Victoria kei na dua baleta e dua na yada. E rawa ni o sureta e rua na lewenilotu mera vakavakarau mera mai wasea na veika era sa vulica me baleta na loloma kei na solibula mai na italanoa oqo. Na veika cava tale eso e rawa me wasei ka vakavulica na ivakavuvuli vata ga? Na vakaraitaki ni dua na vidio ka vakatakarakara ni iVakabula me qaravi ira na tani (me vakataka “Vakararamataki Vuravura—Muria na iVakaraitaki i Jisu Karisito” ena LDS.org) rawa ni yaco me dua na veivosaki ni noda muria vakacava na Nona ivakaraitaki ni “veiqaravi vata kei na loloma kei na solibula.”
Henry B. Eyring, “Marama kei na Vulici ni Kosipeli e Vale”
Na veimalanivosa ni ivolanikalou kei na vosa cavuti mai na “Na Matavuvale: Ai Vakaro ki Vuravura Raraba” e vakayagataka o Peresitedi Eyring ena nona itukutuku e vakarautaka na vakasama eso me baleta na bibi ni veivakayarayarataki ni marama ena noda itikotiko. E rawa ni cakacaka vata na lewe ni lotu me ra raica kina na veimalanivosa oqo kei na vosacavuti ka veivosakitaka na veika era sa vulica. Na veisureti cava e solia o Peresitedi Eyring? Na vosa ni yalayala cava e a cakava tiko? E rawa vakacava na lagasere se na wiliki ni dua na serenilotu me baleta na vuvale, me vakataka “Home Can Be a Heaven on Earth” (sere ni Lotu, naba 298), me vakavinakataka cake na veivosaki.
Dallin H. Oaks, “Nai Tubutubu kei na Gonelalai”
Ni ko vakavakarau mo veivakavulici, vakasamataka na iwasewase ni itukutuku nei Peresitedi Oaks ka veiganiti vinaka vei ira na tamata ena nomu kuoramu se Soqosoqo ni Veivukei. Oqo e rawa kina eso na taro o na rawa ni taroga me vakauqeta na veivosaki me baleta na nona itukutuku: Cakacaka vakacava mai na ituvatuva nei Tamada Vakalomalagi na ivakarau vou e iwasewase I tukuni ena itukutuku nei Peresitedi Oaks ena? Na ivakaraitaki cava ni marama yalodina e rawa meda wasea vakavotukanataki na itukutuku me baleta na marama ena iwasewase II? Eda na vakayaloqaqataki ira vakacava na goneyalewa mera muria kina na ivakasala bibi nei Peresitedi Oaks vei ira ena iwasewase III?
Russell M. Nelson, “Nodra Vakaitavi na Marama ena Vakasokumuni i Isireli”
Kevaka o vakatavulica tiko na Soqosoqo ni Veivukei, vakasamataka me wasei o ira na marama ki na va na ilawalawa, ka kerea na ilawalawa yadua mera wilika e dua vei ira na va na veisureti ena itukutuku nei Peresitedi Nelson. Na ilawalawa e rawa me veivosakitaka na cava e vakurabuitaki ira me baleta na veisureti, na veika era a vakayacora kina, kei na veivakasama me baleta na ivakarau me ra cakacaka kina ena veisiga ni mataka. Sa na qai rawa ni wasea vei ira kece na ilawalawa yadua era veitalanoataka tiko. Kevaka o vakavulici ira na lewe ni matabete, o na taroga ira beka mera raica na itukutuku ena itukutuku nei Peresitedi Nelson e tukuna tiko na loma ni Tamada Vakalomalagi me baleta na luvena yalewa. Na cava e rawa ni da cakava me ra tokona ka vakayaloqaqataki ira na marama ena nodra vakaitavi ena Vakasokumuni o Isireli?
M. Russell Ballard, “Na Raivotu ni Nodra Vueti na Mate”
Sa rawa mo sureta na lewe ni lotu me ra ciqoma na veisureti nei Peresitedi Ballard ka wilika na Vunau kei na Veiyalayalati 138 ni bera nomuni veivosaki. Kerei ira na lewenilotu mera wasea na veika era sotava kei na vakasama eso mai na wasewase oqo ena gauna ni bose. Na taro vaka oqo me vukea na lewe ni lotu me kila na bibi ni ivakatakila oqo: Ena kauta vakacava mai vei keda na ivakatakila oqo na vakacegu? kei Na dina cava e tiko e na ivakatakila oqo e rawa me tara na ‘na ivakarau ni noda bula ena veisiga’?
Bonnie H. Cordon, “Mo Dua na iVakatawa”
Me vukei ira na lewe ni lotu mera vakasamataka na sala eso e rawa ni vakavinakataka kina na nodra sasaga ni veiqaravi, sa rawa ni o wasei ira ki na tolu na ilawalawa ka kerea na ilawalawa yadua mera wilika e dua vei ira na tolu na iwasewase ka vakatokai na itukutuku nei Sisita Cordon. Sureti ira me ra wasea na ivakavuvuli ni veiqaravi era sa vulica. Ena vukei keda vakacava noda segata me muri na veivakavuvuli oqo “yaco mo ni ivakatawa ni sipi e gadreva vei keda na Turaga”? Sureti ira mera wasea na veigauna eso a veiqaravi vua edua tale na tamata ni vukei ira mera vakila ka lomani mai vua na iVakabula.
Jeffrey R. Holland, “Na Veiqaravi ni Veivakaduavatataki”
E rawa mo tekivuna e dua na veivosaki me baleta na itukutuku nei Elder Holland ena nona veisureti vei ira na lewe ni lotu mera vakasamataka e dua na isema ki na nodra bula e gadrevi kina na nodra vakabulai se na veivakacokotaki. Me ra qai vakaraica na itukutuku nei Elder Holland, ka vakasaqara na veika erau vakayacora o Brad kei Pam Bowen me rawa ni rau veivuke me vakabulai tamadrau. Na veivakalougatataki cava e lako mai na sasaga oqo? Na veivakararamataki cava era rawata na lewe ni lotu me veivukei ena nodra vakabulai na nodra veiwekani?
Neil L. Andersen, “Mavoa”
Mo vakamacalataka taumada na itukutuku nei Elder Andersen, sa rawa ni o wilika vata na Luke 10:30–35 se sarava na vidio “Parable of the Good Samaritan” (LDS.org). Eda sa tautauvata vakacava kei na tamata sa sikabotea na daubutako eso? Me vaka e tukuna o Elder Andersen, sa “noda Kai Samaria Dauloloma” vakacava o Jisu Karisito? E rawa vakacava ni da ciqoma na Nona vei vakabulai? E rairai e rawa ni o sureta na lewe ni lotu mera wasea na sala e vakabula na iVakabula na nodra mavoa se na mavoa ni noda daulomani. Era rawa talega ni ra vakasaqara na vosa nei Elder Andersen me ra kunea e dua na itukutuku veivakauqeti e rawa ni ra wasea vata kei na dua era sa mavoa.
Russell M. Nelson, “Na Yaca Donu ni Lotu”
O Jisu Karisito sa vakarota me vakatokai na Lotu ena yacana. E rawa ni vakalevutaka cake na nodra gadreva na lewe ni lotu me ra muria na veidusimaki oqo ena nomu sureti ira mera vakasaqara na itukutuku nei Peresitedi Nelson, ka vakasaqara na vuna “na yaca ni Lotu e sega tale ni veivosakitaki.” Ka, sureti ira me ra vakasaqara ena icavacava ni itukutuku nei Peresitedi Nelson na vosa ni yalayala e kaya o koya ena yaco mai ni da cakacaka me “vakalesuya na yaca dodonu ni Lotu ni Turaga.” Na cava e rawa ni da cakava meda vukea na sasaga vakaoqo?
Henry B. Eyring, “Tovolea, Tovolea, Tovolea”
“Rua na taro bibi e vakatura o Peresitedi Eyring”: “Na cava meu cakava tiko me rawa ni taura na yaca [ni Vakabula] vei au?” kei “Au na kila vakacava ni sa toso tiko na sasaga?” E rairai o rawa ni vola na taro oqo ena vava ni volavola ka sureti ira mera wasea na veivakararamataki era rawata me baleta na taro oqo mai na itukutuku nei Peresitedi Eyring kei na ivakaraitaki nei Sisita Eyring. Peresitedi Eyring sa vakaibalebaletaki tale tikoga ki na sere “Meu Na Muri Jisu Tu” (iVolanisere ni Gonelalai, 40). Na cava era sa vakuria na qaqani sere oqo ki na veivosaki?
Dale G. Renlund, “Mo ni Digitaki Koya Edaidai”
Na lewe ni lotu e rawa ni vakasamataka e dua era vinakata me ra vakayaloqaqataki ira me ra muria na ituvatuva nei Tamada Vakalomalagi, me vaka e dua na lewe ni matavuvale se dua vei ira era veiqaravi. Ia sa rawa mera raica lesu na itukutuku nei Elder Renlund mera kila na veika e vakila na Tamada Vakalomalagi kei Jisu Karisito me baleti keda. Era vukei keda vakacava meda digia na talairawarawa? Na cava e vakatura na nodra ivakaraitaki me baleta na sala e rawa ni da vakavinakataka na noda sasaga ena noda matavuvale kei na noda veiqaravi?
Gary E. Stevenson, “Yalo Vakaivakatawa”
O ira o vakatavulica e rawa ni tiko e dua na taro me vaka na kena oqo mai na itukutuku nei Elder Stevenson: “Eda kila vakacava ni da veiqaravi tiko ena sala ni Turaga?” Era rairai yaga me mai veivosakitaka eso na isau ni taro oqo ka ra na kunea ena itukutuku oqo. Dua tale, e rawa ni kau mai e dua na iyaloyalo ni iVakabula me vaka e dua na ivakatawa (raica na Gospel Art Book [2009], naba 64) ka sureti ira na lewenilotu me ra wasea e dua na dina mai na itukutuku nei Elder Stevenson e matataka na iyaloyalo. Na lewe ni lotu e rawa ni ra qai wasea na veika era sa vakauqeti kina mera cakava ena vuku ni nodra veivosaki.