ʻOku Fie Maʻu ke tau Fetokoniʻaki

Kuó ke fehangahangai nai mo ha faingataʻa ʻi hoʻo moʻuí naʻá ke fuʻu fie maʻu ke fufuuʻi he naʻá ke manavahē telia e fakakaukau ʻa e niʻihi kehe? Kuó u aʻusia ia ʻe au mo hoku fāmilí. Ne taʻu lahi ʻemau fekuki mo ʻení ʻi heʻemau mātātonu e fefaʻuhi hoku tuongaʻané mo e maʻunimā ʻe he faitoʻo konatapú.

ʻI he peesi 16, te ke maʻu ai ha fakamatala ʻa ha taha mataotao ki he moʻui lelei fakaelotó fekauʻaki mo e maʻunimaá, founga ke mahino ai kiate koé, founga ke ʻiloʻi aí, founga ʻene uesia e ngaahi fāmilí, pea mo e founga te ke ala tokoni aí. ʻI he hoko atu aí ko ʻeku talanoa ʻaʻaku ki he founga ne uesia mo tākiekina ai au ʻi he maʻunimā hoku tuongaʻané ʻi he ngaahi taʻu kuohilí.

Neongo ʻetau fakaʻamu ke tau malava ʻo ikunaʻi e ngaahi faingataʻá ʻiate kitautolu pē ka tau moʻui haohaoá, ka ko hono moʻoní ʻoku fie maʻu ke tau fetokoniʻaki he te tau aʻusia kotoa pē ʻa e ngaahi faingataʻá. Kuo pau ke tau “fefuaʻaki ʻa [ʻetau] ngaahi kavengá” (Mōsaia 18:8), pea ʻe lava ke fakahinohino mai ʻe he Fakamoʻuí ʻa e founga ke fakahoko moʻoni ai iá, ʻo kapau te tau fakangofua Ia. Ko ʻeku fakaʻamú ia ke tau feinga ke maʻu ha mahino, kaungāongoʻi mo e ʻofa kae ʻoua ʻe vave ke loto-fakamaau. ʻI heʻetau fai iá, te tau maʻu ai ha nonga mo ha fiefia lahi ange ʻi ha faʻahinga tūkunga pē te tau ʻi ai.

Chakell Wardleigh

ʻŪ Makasini ʻa e Siasí