Svik ikkje draumar
Svik ikkje draumar
Du ein gong hadde
Hald dei i handa kvar dag du får
Gå over bruer og langs etter vegar
Men slepp aldri draumar du ein gong såg.
Søk etter kjelder
Du eigde den gongen
Då snødekte vidder og
Vatnet og fjellet var ditt
Då elver og skodde og langferdsnatta
Var gåver til deg ifrå slekters tid.
Gå kvar du vil
Gjennom krattskog og blaute myr
Kliv berget, sjå fossar
Som stuper i nattsvarte juv.
Hels tre som dei iskalde vindar
Har bøygd imot jord.
Kjenn angen frå luft
Etter drivande skyer og regn
Kvil i mose og lyng,
Sjå dropar som drys ifrå grein.
Alt helsar deg.
Her er din draum.
Her er din heim.