Reim̧aanļo̧k n̄an Ilju im Jekļaj, Im̧we kōn Men ko Moktaļo̧k
Enan̄in aolepān laļ in, iiō eo ekāāl ej juon iien n̄an ļōmņake ilju im jekļaj. Ak ej barāinwōt juon iien n̄an ekkatak jān men ko m̧oktaļo̧k. Ilo iaļan ia eo jekar pād ie im ia eo jenaaj ilo̧k n̄ane, jej lo bwe elōn̄ļo̧k iien ko rem̧m̧an n̄an eddōkļo̧k.
Ilo aao̧ in, ejjab katak in wōt ej lōme jet iaan oktak ko rekāāl im rekaitoktok limo kōn ilju im jekļaj, ak ej barāinwōt deplo̧ke mour ko ad m̧oktaļo̧k bwe jen meļeļe ijoko koņaad kōn ta eo ej itok im̧aan.
Iiō in jej kakeememej 200 iiō in Visōn eo Kein Kajuon. Būreejtōnji eo Kein Kajuon im ro jet em̧ōj aer kōpooje m̧ōttan bwebwenato ko me ej etale mour ko ad m̧oktaļo̧k im ej jipan̄ kōj ļōme ilju im jekļaj. Allōn̄ in Būreejtōn M. Russell Ballard, Būreejtōn eo Kein Karuo ilo Doulul eo an Rijilōk ro Jon̄oulruo, ej jipan̄ kōj meļeļe ijoko jikid ilo an Jepļaaktok eo an aelōn̄ in kiin̄ an Anij im kijejeto ko an An n̄an kōpooj kōj n̄an Itok eok Kein Karuo (lale peij 12).
Reim̧aanļo̧k n̄an Ilju im Jekļaj, katak in ej barāinwōt letok kein jipan̄ ko n̄an kijejeto eo ekāāl an Kabun̄ in n̄an rie ajri ro im jodikdik ro (lale peij 20 im 26) im jinoe kooj in Bok in Mormon n̄an ekkatak n̄an kajjojo im baam̧le ko (lale peij 34 im 38). Kobban bok in n̄an jodikdik ro ej kwaļo̧k kadkadin unin tōl eo ekāāl an jodikdik ro (lale peij 56 im 60)
Jej kōjatdikdik bwe Liaona eo ej wōnm̧aanļo̧k wōt n̄an erom̧ juon kein jipan̄ eo eļap an aorōk n̄an rie ekkatak ko kōn gospel eo ilo mōko imōd ilo ad bun̄ m̧aanļo̧k ippān doon, m̧akūtkūt ekkar n̄an eddōkļo̧k ko keidi n̄an kar m̧okta.
Adam C. Olson
Rilolorjake Kajimwe ko: