Jiburlep Eo Em̧m̧antata!
Rijeje eo ej jokwe ilo Utah, USA.
Ellie eiakwe jiburlep. Jiburlep jen Baba. Jiburlep jen Bubu im Jim̧m̧a. Jiburlep jen Mama. Jiburlep ekōm̧m̧an an em̧m̧an an en̄jake. Im jokne. Im m̧ōņōņō.
En̄in unin an Ellie jiburlepe Mama ilo iien jar. Em̧m̧an ippān jijet ioon neen Mama. Aolep iien Mama ej jiburlepetok.
Innām kweilo̧k in kwojkwoj eo ejem̧ļo̧k. Eiien Būraimere. Ellie eiakwe Būraimere. Ej juon ledrik erūtto kiō. Jilu iiō! Ewōr make an jeje ko rekwojarjar!
Ak rainin Ellie ekōņaan wōt jiburlepe Mama indeeo.
Jinen ej jibjibwe Ellie ilo ettōņaak eo. Ilo ruum̧ in Būraimere eo, Mama ej kajijet Ellie ioon juon jea.
“Imaron̄ ke iwōj ippam̧?” Ellie eaar ba.
“Jaab,” Mama eaar ba. Ainikien eaar mera. Eaar ba, “Kwoj aikuj pād ilo kūlaaj.” “Bwe iaikuj pād ilo kūlaaj en aō.”
Mama eaar mejen māik jepen. Innām eaar diwōjļo̧k.
Ellie eaar jan̄.
Eaar ļōmņak kōn an Mama jibwe e. Aolep iien Mama ej jibwe e n̄e rej riiti Bok in Mormon. Ekkā aeer riit ippān baam̧le eo. Ak jet iien Ellie im Mama rej riit make ippāer.
Ellie eaar jibwetok Bok in Mormon eo an. Ilowaan ekar juon pija in Jisōs.
Elilie eaar kiil bok eo im jiburlepe. Eaar en̄jake āinwōt n̄e ej jiburlepe Jisōs. Eaar em̧m̧an an en̄jake. Im jokne. Im m̧ōņōņō. Ekar jiiburlep eo em̧m̧antata!