Itok, Ļoor Eō:Bok in Mormon
Jerusalem Ekar Āinwōt Ta ilo Tōre ko an Liai?
Jānwōde 6–12 1 Nipai 1–7
Pija ko jān Getty Images
Kapitōļ eo an laļ eo eļap an Juda, ekar obrak kōn tarpok ko ilo kien eo im nana ko. Jon̄oul iiō ko rem̧ootļo̧k elukkun kar ļap an nana. Rekar m̧an ak kalbuuj kiin̄ ro an Juda; Ri Ju ro rekar kōm̧aaj er n̄an Babilon; rikanaan ro, āinwōt Jeremia, kar kaleļn̄on̄ er im kalbuuj er. Unleplep in an Irooj kar ba n̄an Liai bwe en ko (lale 1 Nipai 2:1–2).
-
Oran Armej: 25,000 (eļap kōn jon̄ak ko etto)
-
Jikin ko: āne jamden, komlaļ ko rewāmourur bwidejin, toļ ko rejirūm̧le
-
Jāān: jāān kōn jon̄an eddoin (jelba, kōba, gold; ejjeļo̧k jāān jiddik)
-
Kajin: Hibru
-
Rijerbal: kapeel ilo pā, riwia kake m̧weik, rikamakoko (watōke bwe rej ro uwaan baam̧le eo); eļaptata ri kallip
-
M̧ōn̄ā: leen wōjke, bilawe, olive, fig, im juub
-
Nuknuk: nuknuk in kabio, jāāntōļ; kopā mouj n̄an priest ro
-
Kabun̄: kowado̧n̄,jar n̄an ekjab; rikanaan ro reriab rej kwaļo̧k kōn aeņōm̧m̧an; juon ainikien jilel kōkaļļōņ jar aolep raan
-
Kōllaajrak in taitōļ ko: patriak, ekoba elder ro ilo jikin eo, irooj ro ilo baam̧le ko, im rim̧weie ro, ak “armej ro emman kojeiier”
-
Baam̧le: elōn̄ baam̧le ilo juon em̧, m̧ōko rej jepooļe juon meļan, im baba ro rej tōl. Ekoba baam̧le an ļaddik ro nejier, leddik ro nejier me rejjan̄in m̧are im kōrā ro nej jineer, im rūtto ro nukuier.
-
Jarin Tariņae: ejjeļo̧k ilo tōre in. Jabdewōt ritariņae rej ri Babilon, ro me Juda ej kōļļā owōj n̄an er.