Kōketak Diktak in Epepen eo
Rijeje eo ej jokwe ilo Utah, USA.
Erein rej jet iaan wāween ko emen n̄an jipan̄ ajri ro kōm̧m̧an im kōttōpraki kōttōpar ko eļap tokjeer āinwōt kar Rilo̧mo̧o̧r.
Kōmeļeļe ko jān David Green
Āinwōt jet jinen im jemen im ritōl ro, jekōņaan jipan̄ ajri ro im jodikdik ro erom̧ rikaļoor an Jisōs Kraist ilo aolepān mour ko aer ro me kar kōketak er bwe ren jerbal n̄an Irooj im kakūrm̧ool mijen ko aer make.
Ajri im Jodikdik ro rej jet kein jipan̄ ko reļam waan bōtaab rekajoor n̄an jipan̄ ajri im jodikdik ro eddōkļo̧k ilo jetōb, mour in iiaio, ānbwin, jeļāļo̧kjeņ, āinwōt kar Rilo̧mo̧o̧r (lale Luk 2:52). Menin emaron̄ kar bōk jikin ilo aer ekkatak im mour kōn gospel eo an Jisōs Kraist, bōk kōņaer ilo makūtkūt ko eļap tokjeer im kalimomo, im kōm̧m̧an im kōttōpraki kōttōpar ko aer make. Āinwōt ro jinen im jemen ilo bwebwenato in ilaļ, mekarta, jemaron̄ kar eddodo kadede jekdoon n̄e jejjab bar kobaik bar juon ilo laajrak in kōttōpar ke ad. Ak jemaron̄ inepata bwe ro nejid rejjab maron̄ eddōkļo̧k ijjeļo̧kin n̄e jej lukkun kipel er.
Bwebwenato n̄an Kōm̧m̧an Kōttōpar, Waanjon̄ak 1:
Alana, 15, ekar jijjet ippān jinen, Rachel, etale laajrak eo me rekar kōm̧m̧ane kōn kōttōpar ko me Alana emaron̄ kōm̧m̧ani. Ke Jemān Alana, Jeff, ej etal epaakeļo̧k erro. “Ewi wōt iaan kōttōpar kein ij aikuj kōm̧m̧ane, Baba?” Alana ej kajjitōk.
Jeff ekar lale waj eo an, jemmeme, im lale laajrak in kōttōpar ko an. “Um, āinwōt epidodoļo̧k men ieō ilo aō kalimjōke. Ak n̄e ‘Kokakilōklōke juon al’? Emaron̄ mōkaj am̧ nej kōkalļeiki ke ededeļo̧k bwe emōkaj. Bar ta epidodo ilo am̧ lale?”
Rachel ekem̧aantak, keememej ke Alana ekar makoko in kaminene ilo iiaikoj eo an team in jikuul eo an. “Ilo m̧ool, kwoj aikuj bar kajjieon̄! Akkō exercise? “ej kakobaba.
“Ugh,” Alana ekar ainikien makoko, bōk talboon eo nejin. “Ij ļōmņak ededeļo̧k.”
Ewi wāween an Jinen im Jemen im Ritōl ro Jipan̄?
Jinen im Jemen im ritōl ro remaron̄ lukkuun jipan̄ ajri ro im jodikdik ro kōketak er bwe ren mour kōn aorōk ko aer rem̧m̧an, kōm̧m̧an kāālōt ko rem̧m̧an, im m̧ōņōņō kōn jim̧or eddōkļo̧k ko aer im tōprak ko aer.
Ļōmņak kōn juon iien me kokar lukkun bōk eļap kōketak n̄an jerbale juon kōttōpar. Ta eo ekar kōketak eok? Iien ko letok n̄an kōj rej iien ko rem̧m̧an kokar loi ak kapeel ko kokar lukkun kōņaan ak juon būrabōļōm kokar lukkuun aikuji n̄an ņa mejļan. Waanjon̄ak im jipan̄ an ro jet ekar im̧we eok n̄an kajeon̄ kōm̧m̧ane.
Āinwōt, ajri ro im jodikdik ro renaaj bar ļap aer elowetak itok jen aer (1) jar n̄an kāālet ta eo rej kōņaan (ejjab ta eo ro jet rekōņaan bwe ren kōm̧m̧ane), (2) ejaake juon būļāān n̄an tōpare, (3) rejjab lukkun ellowetak kōn nōbar ak kaje ko, (4) en̄jake an jinen im jemen im ritōl ro rej jutak likier.
1. Jipan̄ jodikdik ro pukot ta eo eļaptata aer kōņaan
Aolep rekōņaan elōn̄ men ko: n̄an ejaak team, bwe awa in kiki, dikļo̧k aer ajimakeke, epaake ļo̧k Anij. Irooj im Ribōktok enaan eo An ekkā an kajjitōkin armej, Ta eo kokōņaan?” (lale Mark 11:24; 1 Nipai 11:1–2; Alma 18:15; 3 Nipai 27:1–2; Ether 2:23–25). Ak ilo ad jeļā ta eo jekōņaan, ejjab ta eo jekōņaan kiiō wōt, ej bōk eļap iminene ko im eļap kōļmenļo̧kjen ko.
Ilo am̧ ļōmņak kōn juon ajri ak jodikdik eo kokōņaan jipan̄ e, kajjitōkin eok make:
-
Ewi wāween aō jipan̄ er n̄an kain iminene ko rekāāl, aorōkier, im itia ko ikkijeen jem̧jerā ko rem̧m̧an im kam̧ōņōņō.?
-
Ij ke kōtļo̧k bwe ren en̄jake tōprak ko jān kāālōt ko rejjab em̧m̧an bwe ren kōņaan kōm̧m̧ani kāālōt ko rem̧m̧an ļo̧k?
-
N̄aat imaron̄ kajjitōkin er ta eo rej tōmake im kaorōke? (Lale laajrak in, “Helpful Discovery Questions.”)
-
Ewi wāween aō maron̄ kwaļo̧k kajoor ko aer? (Kajeon̄ “Ij lo ke kolukkuun jelā ______________. Ewi wāween am̧ maron̄ kōjerbal menin n̄an jerbal n̄an Irooj?”)
2. Jipan̄ jodikdik ro ejaake juon būļāān
N̄e relukkuun pojak kōn juon kōttōpar, jodikdik ro ekkā aer lukkuun jeļā kōm̧m̧aņ būļāān. Ajri ro reddik remaron̄ aikuj ļōm̧ņak ko reļļapļo̧k. Leļo̧k am̧ ļōmņak n̄e rejjab maron̄ wōnm̧aanļo̧k wōt. Ak en itok limoim, jab bōbraeik er, eļan̄n̄e rekōņaan ļōmņak ko aer make jān ļōm̧ņak ko am̧!
N̄an jipan̄ ejaake juon būļāān, komaron̄ kajjitōk:
-
Ta kōttōpar eo am̧? (Kōttōpar ko reddik āinwōt “Kwon Jouj n̄an Armej” reppen n̄an kōmeļeļeiki ijjeļo̧k wōt n̄e rej kobaik kōm̧m̧an ko repidodo ļo̧k āinwōt “Nōbar juon armej aolep raan” ak “Jeorļo̧k bōd n̄e ij illu.”)
-
Etke kōttōpar in eaorōk n̄an eok? (Ewi wāween an naaj jipan̄ er mour kōn aorōk ko aer ak erom āinwōt Rilo̧mo̧o̧r?
-
Em̧m̧an ke iien in n̄an jerbale kōttōpar in? Etke ak etke ejjab?
-
Ta bun̄tōn eo edik im epidodo komaron̄ bōke n̄an jinoe Kakeememej er bwe jerbale ej ejaak ikdeleel. (Jipan̄ er jinoe bar jinoe kōn juon men eo edik im eļam waan.)
-
Ewi wāween am̧ kōlaajraki men ko n̄an rie būļaan eo am̧? Ļōmņak n̄an ejaake kein kakeememej ko, illik naan in kapilōklōk ko, kōm̧m̧an jaat ak timetebōļ n̄an lale wōnm̧aanļo̧k ko am̧, katoļo̧k kapo ko, bōk kein jerbal ko rekkar, ak kajjitōk jipan̄.)
-
Ta apan̄ ko komaron̄ jelm̧ae ilo kōttōpar eo am̧? Ewi wāween am̧ loloorjaki? Jipan̄ er keememej būļāān ko aer, etale ta eo ebōd kar kōm̧m̧ane, kaminene m̧ōttan ko eļapļo̧k aer eppen, kajeon̄ wāween ko rekāāl, ak ukukōte kōttōpar ko.)
N̄an jipan̄ ro jet kōn lōkatiptip ko, komaron̄ kwaļo̧k en̄jake ko am̧ ilo mour eo am̧ ak baam̧le eo kōn an armej jelm̧ae melejon̄ im rej wōnm̧aanļo̧k wōt. Bar kajeon̄ kajjitōk:
-
Ta eo kwar kajjieon̄ e?? Ta eo komaron̄ kar kajjieon̄ e?
-
Wōn emaron̄ jipan̄ eok? Ewi wāween aō maron̄ jipan̄?
-
Ta ļōm̧ņak ko rej itok ilo kōļmenļo̧kjeņ eo ilo am̧ jar kōn menin?
3. Kwon kōkm̧anm̧an wōt ikkijeen nōbar im kaje ko.
Nōbar ko reddik remaron̄ jipan̄ armej ro kajjieon̄ juon men ekāāl, kōm̧m̧an juon jerbal epen im eļapļo̧k an kalimomo, ak m̧ōņōņō kōn tōprak ko. N̄e elukkun tar jen jo̧n̄an, mekarta, nōbar emaron̄ lukkuun kakkure ikdeleel ko. Armej ro me rej lukkun itok limo kōn juon jerbal ekkā aer jab kōm̧m̧ane, ejjab ļapļo̧k, eļan̄n̄e rej kōļļāiki er n̄an kōm̧m̧ane, kalikkar ilo jem̧ļo̧kin ke ejjab lukkun aorōk kōm̧m̧ani n̄an wōt bōk nōbar. Im ilo an ajri aikuj en̄jake tōprak in kāālōt ko rejjab em̧m̧an, rej ekkatak n̄an mijak im kajekdoon armej ro rej kaje er ijjeļo̧kin aer ekkatak n̄an mour kōn aorōkier ko me rem̧m̧an.
Aeet, armej rej kōtmene n̄an bōk wōneer ilo jerbal, ijo nōbar im kile ko remaron̄ bar leļo̧k eļap ellowetak. Ak n̄e ej itok n̄an mour kōn gospel eo im kōttōpraki kōttōpar ko an juon make, nōbar ko ippad make rej kōketak ko reļļap ilo ettōr in aeitok. Nōbar ko an juon make ekoba:
-
En̄jake jetōb eo.
-
En̄jake ad epaake ro jinen im jemen, ritōl ro, im ro m̧ōttad.
-
Mour kōn aorōkier.
-
Ekkatak, kajjieon̄ men ko rekāāl, im ņa mejļan būrabōļōm ko.
-
Limo.
-
Kōm̧m̧an juon oktak n̄an em̧m̧an eo.
Jipan̄ jodikdik ro kile im kaorōk nōbar ko aer make. Im ilo jet iien leļo̧k juon nōbar jiddik n̄an kam̧ōņōņōik er kōn juon tōprak em̧m̧an!
4. Kam̧ōņōņō kōn tōprak ko
Jem̧jerā ko rem̧m̧an rej jet iaan wāween ko reaorōk n̄an im̧we aorōk ko an ro jet, kōttōpar, im ikdeleel. Ewi wāween an armej kōnono n̄an eok im ba bwe rej lukkuun iakwe eok im kaorōk eok? Ewi wāween am̧ kāālōt wōn eo me komaron̄ lukkun m̧ool ilo am̧ kwaļo̧k bōd ko am̧ ak apan̄ ko am̧? Eļan̄n̄e kwar jab lukkuun en̄jake iakwe ilo m̧weo imōm, ta eo kwoj ļōmņak kwoj aikuji me kokar jab bōke?
Uwaak eo am̧ emaron̄ jipan̄ eok jeļā wāween kōnono n̄an jodikdik ro me relukkun aorōk im komaron̄ karōk am̧ ippāer.
Kōn iminene im jipan̄ jān lan̄, jemaron̄ jipan̄ kōketak im im̧we diktak in epepen in.
Bwebwenato n̄an Kōm̧m̧an Kōttōpar, Waanjon̄ak 2:
Alana, 15, ekar jijjet ippān jinen, Rachel, etale laajrak eo me rekar kōm̧m̧an kōn kōttōpar ko me Alana emaron̄ kōm̧m̧ani ke Jemān Alana, Jeff, ej etal epaakeļo̧k er. “Ewi wōt iaan kōttōpar kein ij aikuj kōm̧m̧ane, Baba?” Alana ej kajjitōk.
Jeff ekar lale waj eo an, jemmeme, im lale laajrak in kōttōpar ko an. “Um, āinwōt epidodoļo̧k men ieō ilo aō kalimjōke. Ak n̄e ‘Kokakilōklōke juon al’? Emaron̄ mōkaj am̧ nej kōkalļeiki ke ededeļo̧k bwe emōkaj. Bar ta epidodo ilo am̧ lale?”
Jeff eaar bōjrak jidik. Juon men ejjab lukkun jejjet, kōn menin ekar bōk an iien n̄an ļōmņak kōn ta eo.
Irūmūj, ekar ļōmņake. Ikōņaan wōt bwe in eļļā jān menin. Ijjab lukkun tijem̧ļo̧k n̄e ej itok n̄an jerbal ko an ro jinen im jemen. Hmmm. Ekar kalimjōk leddik eo nejin innem ej kab kile ke ekar bar en̄jake en̄jake ko jet. Kōjatdikdik. Lan̄lōn̄. Menin ej n̄an eddōkļo̧k eo an. Menin ekar bar juon iien n̄an kepaake e. Ekar mejān ettōn̄dikdik.
“Jen bōjrak im ļōmņak kōn menin,” ekar ba. “Ta eo eļan̄n̄e kōj kajjojo je ta ko jej en̄jaki me kar im̧we kōj n̄an kōm̧m̧ani m̧aantak?”
“Um, EMMAN,” Alana ej ba. Rachel ekar lo pencil im pepa ko, im rej joļo̧k jejjo minit n̄an ļōmņak im jeje.
“EMMAN,” Rachel ej ba. “Kiiō ta?”
Alana ekar keememej, “Ij ļōmņak jej aikuj jar kake innem kāālōt juon kōttōpar im kōm̧m̧ane juon būļāān. Ak Baba, kwoj ke lukkun ļōmņak Jemedwōj Ilan̄ ej kea kōn kōttōpar ko jej kāālōti
Jeff ekar kōļmenļo̧kjen. Elōn̄ ļo̧m̧ņak ko rem̧m̧an ippam̧, bolen Jemedwōj Ilan̄ ekōņaan bwe kwon kāālōt juon n̄an jino kake. Ak ilukkun jeļā kōn juon men. Jemedwōj Ilan̄ ej kea kōn kwe.
“jeļā kokōņaan kōjerbal menin letok ko n̄an kōm̧m̧an oktak,” Rachel ekar ba, kōn menin eļan̄n̄e juon iaan men kein elukkun aorōk, ijeļā Jemedwōj Ilan̄ enaaj jipan̄ eok en̄jake menin.”
Alana ekar ettōn̄ dikdik, innem keememej, “Būreejtōn Nelson ekar kajjitōkin jodikdik ro n̄an etale mour ko ad ilo lukkuun dipdikin. Imaron̄ ke etal im bōk men eo ikar je?
“Aeet!” Jeff ej ba, im ettōn̄. Ekar bar lale waj eo an. “Oops, ij aikuj kōkairiri. Lale ta eo kwar je im jen kōnono kake ilo iien kōjota. Ewōr jet aō kajjitōk ko me emaron̄ jipan̄.”
“Em̧m̧an!” Alana ej ba, im ettōn̄. “Im, Baba? M̧am̧a? Komol.”