Juon Kabun̄ n̄an Zulma
Bōlen ewōr men eņ eļapļo̧k me Anij ekōnaan bwe Zulma en jeļā.
“Kappukot, im kom̧ naaj lo” (3 Nipai 14:7).
Zulma eaar jijet ioon juon jea ko ilo m̧ōnjar eo im kar kōņak nuknuk in jikuuļ eo an. Meram in kōļar ko raar romaak jen wūntō kūlaaj ko, im juon dōbwāāl ej jutak itum̧aan in m̧ōnjar eo. Zulma eaar etal n̄an juon m̧ōnjar in jikuuļ, bwe en kabun̄jar ie ruo alen juon raan ippān rijikuuļ ro jet. Zulma eaar iakwe kabun̄ eo an. Liin eaar iakwe Jisōs im kar kōņaan jeļā eļapļo̧k kōn E.
Liin eaar jijet ikun̄ ilo an pris eo jino tin kōnono. Ak rainin juon men ekar oktak. Em̧ōkaj an juon ļōmņak itok n̄an kōļmenļo̧kjeņ eo an im būruwōn: Ewōr m̧ool elōn̄ļo̧k bar.
Zulma eaar nikwij ātin ippān doon. Mool? Ta meļeļen in?
Ļōmņak eo eaar bar itok. Ebar wōr m̧ool.
Zulma eaar kiil mejen im mije wōt ta eo eaar en̄jake. Liin eaar jeļā eļapļo̧k kōn men ko rem̧m̧an ilo m̧ōnjar. Ak kiiō liin eaar kōļmenļo̧kjeņ eļan̄n̄e ewōr men eņ ejako. Bōlen ewōr men en eļapļo̧k me Anij ekōnaan bwe en jeļā. Ak elmen bwe en loe?
Tokālik eaar kōnono ippān ļeo jein, Alberto, kōn ļōmņak eo an.
“Kwoj ļōmņak ebar lōn̄ļo̧k m̧ool?” Alberto eaar kajjitōk.
Zulma eaar emajidjid. Eaar ba, “Ikonaan bar ekkatak kōn bar kabun̄ ko jet.”
Alberto eaar uwaak, “EMMAN.” “Inaaj iwōj ippam̧ waj!”
Elōn̄ iiō ko, Zulma im Alberto raar loļo̧k elōn̄ kabun̄ ko. Ālkin m̧ōjin jar ilo juon kabun̄, Alberto eaar ba, “kabun̄ en ej katakin men ko rem̧m̧an.”
Zulma eaar errā, ak raar en̄jake jet men āinwōt rejako, kōn menin raar kappukote wōt.
Juon raan Alberto eaar ettōr lōn̄ļo̧k ilo jikinwe ko ņan m̧weer. “Iaar lo kabun̄ eo jej pukote!” Alberto eaar ba. Ekar atbakwōje Zulma.
Zulma eaar kabūrōrō mejen. “Ia? Elmen?
Alberto eaar ba, “ro m̧ōtta raar ba bwe raar ioon jet mijenede jān Kabun̄ eo an Jisōs Kraist im Armej ro Rekwojarjar ilo Raan Ko Āliktata.” “Iaar ron̄jake er, im ij tōmak ta eo raar katakin!”
Zulma im Alberto raar lukkuun m̧ōņōņō im raar eeb ipeļakin m̧weeo. Innām Zulma eaar bōk jet ennaan ko rejjab em̧m̧an. Mama eaar jab kōņaan bwe in ioon mijenede ro. Mama eaar ba, “Kwoj 12 wōt am̧ iiō.” “Eļap am̧ dik wōt.”
Kōnke Alberto erūtto, kar kōtļak e bwe en wōnm̧aanļo̧k wōt im ioon mijenede ro. Jet wiik tokālik, ekar peptaij.
Zulma ekar wōnm̧aanlo̧k im kajjitok ippān jinen juon alen im bar juon alen eļan̄n̄e emaron̄ in ekkatak ippān mijenede ro. Āliktata, m̧am̧a eaar ba aaet.
Ke mijenede ro rej katakin Zulma, eaar en̄jake m̧ōņōņō ilo būruwōn. Juon iaan mijenede ro eaar pen an kōnono kajin Jipānij, ak ekar jab aorōk. Ta eo eaorōk ekar ta eo Zulma ekar en̄jake. Ke eaar jeļā kōn Josep Smith im Bok in Mormon, eaar jeļā eaar lo m̧ool eo ekar pukote!
Zulma ekar kōņaan peptaij. Ak ta eo m̧am̧a enaaj ba? Zulma ekar lukkuun m̧ōņōņō ke m̧am̧a ekar ba aaet! Ilo raan in peptaij eo an, Zulma eaar nuknuk mouj. Eaar jeļā Anij ej iakwe e. Eaar jeļā Ejeļā kajjien. Im eaar jeļā bwe E eaar jipan̄ e lo Kabun̄ eo An em̧ōj an jepļaaktok! ●
En̄in ej Zulma āinwōt juon leddik jidikdik Ilo tuanbwijmaron̄ ej juon pija in e rainin ippān ļeo ippān, Elder Walter F. González jen jiljilimjuonn̄oul eo.
Kōmeļeļe ko jān Scott Wakefield