Ilo Digital Wōt: Rūm̧m̧an Ded ro
Ļōmņak Ejjeļo̧k juon Am̧ Jibadad āinwōt juon Rūm̧m̧an ded? Bar Ļōmņak
Ļōmņak kōn tōl ilo Kabun̄ in juon raan emaron̄ in kaamijak, ak ekanooj lōn̄ wāween ko komaron̄ jino tōl kaki kiiō.
Ilo raan in kōppopo kein n̄an Itok eo Kein Karuo an Jisōs Kraist, enaaj wōr, “tariņae ko, im unoj kōn tariņae ko.
“… Laļ enaaj jutak ņae laļ, aelōn̄ in kiin̄ ņae aelōn̄ in kiin̄, enaaj wōt n̄ūta, im nan̄inmej ko, im m̧akūtkūt ko in laļ, ilo elōn̄ jikin ko.
“Im bar juon alen, kōnke nana enaaj kanooj ļap, iakwe an armej raņ enaaj kanooj m̧ōļoļo̧k” (Josep Smith—Matu 1:28–30).
Ilo abwilōn̄lōn̄ kein, wōn enaaj jipan̄ tōl ro jeid im jatid, jim̧or ilo im jen oror in, ļo̧k n̄an Jemedwōj Ilan̄?
Ijo in jej itok n̄an e.
Elmen Ad Aikuj Tōl
Kar ņa etad juon iaan epepen in rūm̧m̧an ded ro rem̧m̧an. Būreejtōn Russell M. Nelson ej kōmeļeļeik kōj āinwōt ro “Anij ej lōke n̄an jilkintok n̄an laļ in ilo epepen in eankeke ilo bwebwenato in laļ in” (“Stand as True Millennials,” Liaona, Okt. 2016, 46).
Kōn menin, elmen ad maron̄ tōpar n̄an erom̧ ritōl ro rem̧m̧an ilo Kabun̄ in an Irooj? Ekwe, eļan̄n̄e kwoj reito-reitak, komaron̄ kile bwe em̧ōj de am̧ juon ritōl ilo bar juon wāween ak bar juon.
Komaron̄ tōl ilo juon kūr an Kabun̄ in. Āinwōt juon mijenede, komaron̄ tōl juon ekōnono, bōk eddoin juon m̧akūtkūt in ito-itak im kwaļo̧k naan, ak kar jitōn̄e āinwōt juon zone ak sister leader. Komaron̄ in juon ritōl ilo baam̧le eo am̧ ak ilubwiljin ro m̧ōttam̧. Komaron̄ tōl rūtto ro am̧ n̄an ļo̧mo̧o̧r kōn jerbal in menmenbwij. Komaron̄ bar erom̧ juon ritōl an kien, im komaron̄ iien otemjej ritōl ilo jabdewōt jerbal kwoj kālete.
Ak kajjitōk eo in, elmen ad aikuj tōl? Rilo̧mo̧o̧r eaar tōl kōn An waanjon̄ok. Eaar tōl kōn “Itok, ļoor eō” ijeļo̧kin “iaļ eo Aō em̧m̧anļo̧k.” Eaar jerbal, katakin, iakwe, im kea kake ro Ipeļaakin. Jisōs Kraist ej waanjon̄ok eo em̧m̧antata an juon ritōl. Im n̄an erom̧ juon ritōl ro rem̧m̧an ilo epepen in, jemaron̄ jino kajjieon̄ in āinwōt Rilo̧mo̧o̧r n̄an kōm̧m̧ani men ko reddik.
-
Jar kōn ro rapan̄, ro rej aikuj, ak ro kwoj eddoik er, im pukot n̄an jeļā jipan̄ er. Jar kōn etaer kajjojo, āinwōt an kar Rilo̧mo̧o̧r jerbal in karejar “juon iļo̧k juon” (3 Nipai 11:15).
-
Bōk iien n̄an riiti jeje ko rekwojarjar āinwōt waanjon̄ok ko rem̧m̧an an ritōl, eļaptata jān Rilo̧mo̧o̧r Make.
-
Jar kōn ward eo am̧, im aolep ritōl ro an kabun̄ in. Bar jar kōn ritōl ro an kien, me remaron̄ im̧we im jerbal ilo jetōb ilo aenōm̧m̧an im ippān doon.
-
Jeļā kajjien ro ipeļaakum̧. Pukot itok limo ko aer, baam̧le ko aer, katak ko aer, im itok limo ko im iktōltōl ko aer ilo mour in (lale Epesōs 2:19).
-
Riiti kōjeraam̧m̧an an patriak eo am̧ im kōļmenļo̧kjeņ elmen am̧ maron̄ erom̧ ijo em̧m̧antata ilo kwe make.
Ilo ad kōm̧m̧ane ijo em̧m̧antata ilo jim̧we, jej erom̧ rikaļoor ro rem̧ool im rijilōk ro an Jisōs Kraist im karbab n̄an jem̧jerā eo an Jetōb Kwojarjar. Ilo ad kōm̧m̧ane im kōjparok bujen ko rekwojarjar, jemaron̄ bōk kein kōppopo ko remenin aikuj im nuknuk in tariņae ilo jetōb n̄an etal tariņae ņae rikapo eo.
Komaron̄ Jino Kiiō
Kain rot ritōl eo kwonaaj erom̧? Ak, n̄an kouti naan eo an Rilo̧mo̧o̧r, “Kain rot [ritōl] kwoj kōņaan āinwōt? Em̧ool ij ba n̄an kom̧, em̧ool āinwōt N̄a ij” (3 Nipai 27:27).
Ilo ad epaake Itok eo Kein Karuo, Irooj enaaj aikuji eļapļo̧k ritōl ro rejim̧we ro renaaj ļoor rikanaan eo An n̄an pād ilo tariņae in. E ej aikuji kōj. Jej pād ilo 11th awa, im ewōr wōt ad jerbal. Jemaron̄ jino kōppopo n̄an erom̧ juon ritōl em̧m̧an ilo epepen in kiiō. Eban rum̧wij n̄an jinoe! Eļan̄n̄e elōn̄ men ko kwoj aikuj in kōnono kake n̄an bisop eo am̧ kake, emaron̄ jipan̄ eok ilo iaļen ukweļo̧k in. Eļan̄n̄e kwoj aikuj tōl n̄an kōkm̧anm̧anļo̧k kwe make, jino kōkm̧anm̧anļo̧k jem̧jerā eo am ippān Jemedwōj Ilan̄ im Jisōs Kraist; Remaron̄ kwaļo̧k n̄an eok ijo kwoj jino jene. Kwe im n̄a kar kūr kiiō n̄an kōm̧m̧ane jerbal in an Irooj im jipan̄ rikanaan eo ad tōl m̧weeo im̧ōn Israel n̄an jokne, im eļan̄n̄e jej kajjieon̄ n̄an kōm̧m̧ane ijo em̧m̧antata ilo kōj, jenaaj tōprak.