Kajjitōk ko IM Uwaak ko
Ta eo kwoj ba n̄e ro m̧ōttam̧ rejjab tōmak bwe Visōn eo M̧oktata emaron̄ waļo̧k?
Ejaake Tōmak
Kōn kajjitōk ko ilo jetōb, ejjab meļeļe wōt bwe jej aikuj; jej barāinwōt aikuj in wōr tōmak n̄an jeļā bwe Visōn eo M̧oktata emaron̄ lukkuun in waļo̧k. Jemaron̄ ejaake tōmak in kōn kajjitōk ippān Jemādwōj Ilan̄ im ron̄jake Jetōb eo.
Julia B., 17 iiō dettan, California, USA
Ekkatak Baibōļ eo
Kajjitōk ippān ro m̧ōttam̧ n̄an ekkatak Baibōļ eo. Eļan̄n̄e rej tōmak e āinwōt naan an Anij, innām rej aikuj tōmak bwe Jemād ej ekōnono n̄an kōj rainin kōn visōn ko āinwōt Visōn eo M̧oktata kōnke Ekar kōm̧m̧ane ejja āinwōt in ippan Adam, Moses, Aisaia,im rikanaan ro jet ilo elōn̄ wāween ko rokoktaktak.
Elder Muanda, dettan 22, Kenya Nairobi Mission
Kajjitōk ippān Anij
Lukkuun mool eo bwe bun̄ jān tōmak eo ekar pād ium̧win buki iiō ko ejjab meļeļe in bwe Anij ekar kabōjrak visōn ko An. Ej aikuj in wōr juon bōro ettā ippād im n̄an kajjitōk ippān Anij kōn lukkuun kōttōpar im bōro em̧ool, āinwōt Josep Smith ekar kōm̧m̧an.
Jeremi E., 19 iiō dettan, Kinshasa, Democratic Republic eo an Congo
Tōmak ilo Anij
Ikōn kajjitōk ippān ro m̧ōtta, “Kom̧ij tōmak ke ilo Anij? Kom̧ij tōmak ke bwe E ekar kōm̧anm̧an aolep men ko? Kom̧ij tōmak ke bwe E ekar waļo̧kļo̧k n̄an rikanaan ro ilo iien ko etto? Im eļan̄n̄e kom̧ij tōmak, etke kom̧ij jab tōmak bwe emaron̄ waļo̧k kiiō? Emaron̄ waļo̧k.”
Sarah M., 16 iiō dettan, Utah, USA
Kwaļo̧k Naan in Kam̧ool eo Am̧
Ij kwaļo̧k naan in kam̧ool eo aō ippān ro m̧ōtta bwe Jemādwōj Ilan̄ ej kwaļo̧ki men ko n̄an ajri ro Nejin n̄e rej kajjitōk Ippān kōn juon bōro em̧ool n̄an jeļā m̧ool eo. Josep Smith ekar wōr an ikdeelel n̄an jeļā m̧ool eo, im ekar jerbale ekkar n̄an tōmak eo an. Kom̧ maron̄ barāinwōt lem̧ōņōņō kōn en̄jake in aiboojoj eļan̄n̄e kom̧ij kajjitōk ippān Jemādwōj Ilan̄ ilo jar kōn aolepān būruōm̧.
Mara C., 20 iiō dettan, Lima, Peru
Pija ko jān Getty Images