Kōkōm̧anm̧anļo̧k En̄jake in Tampeļ eo Ad

Jān Būreejtōnji eo Kein Kajuon

“M̧ōttan eo aorōktata an Jepļaaktok eo ej tampeļ eo ekwojarjar. Kain̄i ko im bujen ko rekwojarjar rej lukkuun in aorōk tata n̄an kōpooje juon armej eo epojak n̄an karuwaineneiki Rilo̧mo̧o̧r eo ilo Itok eo An Kein Karuo.”¹

Jān iien n̄an iien, Būreejtōnji eo Kein Kajuon ekar kōm̧m̧ani okoktak ko n̄an iien jar ko ilo tampeļ im jekjek in jerbal ko n̄an maron̄ kōkōm̧anm̧anļo̧k en̄jake in tampeļ eo n̄an membōr ro im jipan̄ aolep ro rej deļo̧n̄ n̄an en̄jake juon kōtaan eo epaakļo̧k n̄an Anij ilowaan jikin kein rekwojarjar.

Āinwōt m̧ōttan en̄jake in tampeļ eo, membōr ro rej kōņak nuknuk in iien jar ko kōn katak eo im kakōļļe eo aorōk me emaron̄ in anōk likļo̧k n̄an kabun̄ jar an tampeļ eo ilo Kallim̧ur M̧okta (lale Livitikōs 8 im Exodus 28).

Jet oktak ko rekar kōm̧m̧an n̄an iien jar ko ilo tampeļ. Okoktak kein rejjab kwaļo̧k oktak ko n̄an kakōļļe ak katak eo an tampeļ bōtaab kōttōpar rej n̄an kōm̧m̧an bwe en̄jake in tampeļ eo en ļapļo̧k an ļam waan, kaenōm̧m̧an, im tōpare ilo kōm̧m̧an bwe nuknuk en pidodoļok n̄an kōņaki, kōjparoki, im dik wōņāān.

Jet iaan okoktak kein ekoba:

• Juon jon̄ok epidodoļo̧k n̄an veil eo im kan̄ūr nuknuk eo.

• Jo̧ļo̧k būļajtik eo kadeļo̧n̄e jān at eo im tae eo jān at eo im veil eo.

• Kōjerbal juon m̧ōttan eo epen me ejjeļo̧k oktak n̄an kan̄ūr nuknuk ko, at eo, sash eo, eo ej jipan̄ aer to aer pād im kōm̧m̧an an pidodo kōjparoki.

Kōmij kōjatdikdik okoktak kein renaaj jipan̄ kōkōm̧anm̧anļo̧k en̄jake kein rekwojarjar n̄an kom̧ ilo ami kōm̧m̧an bwe kabun̄ jar an tampeļ en m̧ōttan mour eo ami raan otemjeļo̧k.

Kakeememej ko

1. Russell M. Nelson, “Naan in Ikkilōk ko,” Liaona, Nob. 2019, 120.

Uwaak ko n̄an Kajjitōk ko Ekutkut Kajjitōki

Imaron̄ ke wōnm̧aanļo̧k wōt n̄an kōjerbal nuknuk in iien ko repād kadede ippa?

Aaet. Jitaeļ ko im̧aanļo̧k maron̄ wōnm̧aanļo̧k wōt in kōjerbali m̧ae iien eo rej aikuj in kōkāāl.

Ekōjkan aō joļo̧k nuknuk in iien ko rem̧or ilo jetjet?

“N̄an wāween ko̧kkuri nuknuk mōr kwojarjar an tampeļ, membōr ro raikuj in kakkure nuknuk eo ilo aer m̧wijjit ļo̧k kōkkaļļe bwe jejjōt in kar kōjerbale en jab allikar” (Bok in Bōk Meļeļe 2: Tōl Kabun̄ eo [2010], 21.1.42).

Imaron̄ ke ukukōt nuknuk ko aō kiiō repād bwe ren ekkar n̄an okoktak ko rekāāl?

Aaet. Meļeļe ko rellōn̄ļo̧k kōn ekōjkan maron̄ loi ilo store.ChurchofJesusChrist.org/ceremonialclothing n̄e kwoj deļo̧n̄e kōn akkaun in membōr eo am̧ ak etal n̄an Distribution Services ko im kajjitōk ippān juon rijerbal in m̧ōn wia eo.

Imaron̄ ke ajilo̧k nuknuk in iien ko rem̧or?

N̄e ekkar, komaron̄ leļo̧k nuknuk ko ejakutkut kar kōjerbali n̄an membōr ro ak ro m̧ōttami rekar bōk menin letok kwojarjar eo. Ijo wōt ke, nuknuk in iien ko, jekdo̧o̧n ta jekjek eo aer, aikuj in jab ajilo̧k n̄an juon tampeļ, Desert Industies, ak jabdewōt jikin jānij nuknuk.

Ekōjkan aō bōk nuknuk kāāl ko?

N̄an meļeļe ko kōn wōņaer im n̄e ewōr ilo eria eo ami, etal n̄an store.ChurchofJesusChrist.org/ceremonialclothing ak etal n̄an Distribution Services ko.

“Jabdewōt okoktak ko kar kōm̧m̧ani n̄an kain̄i ko im wāween jerbali rejjab ukōt paotok kwojarjar eo an bujen ko kar kōm̧m̧ani [ilo tampeļ eo]. Okoktak ko rej kōtļo̧k n̄an an bujen ko katōki ilo bōro ko an armej ro rej mour ilo iien ko im jekjek ko roktak.”

Bureejtōn Russell M. Nelson, kweilo̧k in kaminene eo an ritōl an kweilo̧k eo eļap, Okt. 2019.