“Lale Ta eo juon Tōmak Jidikdik Emaron̄ Kōm̧m̧ane?”
Godfrey J. Ellis
Washington, USA
Kōmeļeļe © Gary Alphonso, i2iart.com
Jet iien ko rem̧ootļo̧k, kōrā eo pāleeō im n̄a kom̧ro kar bōk ruo iaan ļaddik diktata ro nejim̧ro n̄an France n̄an alooje jikin ko me ikar jerbal ie āinwōt juon mijinede eo ej jerbal aolep raan. Ke ikar loļo̧k branch ko an Kabun̄ in me ikar jerbal ie im ikar lukkuun m̧ōņōņō ippān membōr ro me ikar katak ippāer. Kōm kar barāinwōt loļo̧k jikin ko me elōn̄ bwebwenato in er etto.
Juon iaan jikin ko ekar ruins of the Château de Châlucet. Kāājōļ kileplep in em̧o̧r kar kōjoreene im kakkure bukwi iiō ko rem̧ootļo̧k. Kein ikkan ko rekar aolep eddōk ipeļaakin ruins, im iaļ eo n̄an tōparļo̧k ijeņ ekar aidik im eju. Ekar pen am tallōn̄, ak ļap tokjen kijejeto ko ke kar tōprakļo̧k.
Ļaddik ro rekar em̧m̧an ippāer tolaļļo̧k n̄an kar jinoin jikin kalbuuj im lōn̄ļo̧k n̄an jidikin wōt dipin kāājōļ eo me ellakar pād. Kāājōļ eo kar kam̧ad kōļmenļo̧kjeņ ko aer āinwōt an kar kam̧ad aō 24 iiō ko m̧oktaļo̧k.
Ke kōm kar pād ijen, juon lan̄ in jam̧m̧ar ekar waļo̧k jān ettoļo̧k. Ekar m̧ōkaj an em̧m̧akūt. Kōdo̧ ko remarok im ejaromrom ekar kobrak lan̄, im jouruur ko reļļap.
Kōm kar tolaļļo̧k jān iaļan etetal eo im ettōrļo̧k n̄an wa eo āinwōt an ļan̄ eo m̧ōkaj an tōpar kōm. Ejjab to, wōt mijeljel im ejjab jem̧ļo̧k ekar lukkuun katutuik kōm im iaļan etetal eo ekar lukkun pedkat. Kōm kar inepata bwe jemaron̄ kar jab lo laļ in am etetal im wōtļo̧k ilo iaļan etetal eo eju im edōkāke.
Kōm kar kōtōpare jet iaan jikin kajato ko ium̧win wōjke ko ilo tōrerein iaļ eo. Kōm kar kajato ippān doon ium̧win jikin kajato eo im kar būlōn̄ kōn toon am naaj kar kōttar n̄an am ro̧o̧l laļļo̧k.
“Jen jar,” ļaddik jidiktata eo nejim ekar ba.
Ekar kajjitōk bwe en jar im ekar jar bwe en bōjrak an wōt bwe kōm maron̄ ro̧o̧l ļaļo̧k ilo tōl eo ilo an ejjeļo̧k jorrāān. Ekar reitok n̄an kōm im ba. “Kiiō men eo jej aikuj ej aikuj bwe ad tōmak.”
Ikar kōmeļeļeiki bwe jar ejjab aolep iien ej jerbal ilo wāween in.
“Jaab,” ekar ba, “enaaj bōjrak ilo 10 minit!”
Ālkin 10 minit, ekar bōjrak an wōt.
“Ekwe, jem̧oot!” ekar ba.
“Eļan̄n̄e jej em̧m̧akūt kiiō, enaaj bar jino an wōt im jenaaj bar jitak,” ļaddik eo nejim erūtto ekar ba.
“Eban!” ļaddik jidikdik ro nejim ekar uwaak “Jem̧oot!”
Jekar kōm̧m̧an bwe iaļ eo am n̄an jikin ko remōrā ilo iaļan etetal eo, ilo am dāpij mar im ra ko ke kōm kar ro̧o̧l. Ke kōm kar tōpar wa eo, kōm kar kōm̧m̧ane juon jar in kam̧m̧oolol. Ejjab to ekar bar jino an wōt.
“Lale ta eo tōmak jidikdik emaron̄ kōm̧m̧ane?” ļaddik eo nejim ekar ba ilo ettā.
Ekar katakin kōm aolep juon katak em̧m̧an ilo raan eo.