Mkutano Mkuu Miaka yote

Sasa katika mwaka wake wa 190, mkutano mkuu ni desturi ya kudumu kila Aprili na Oktoba, lakini kumekuwa na mabadiliko ya kupendeza katika miaka iliyopita:

• 1830

  Miezi miwili baada ya Kanisa kuanzishwa, Joseph Smith alisimamia mkutano mkuu wa kwanza kule Fayette, New York. Takribani waumini 30 na wengine kadhaa walihudhuria.

• 1850

  Deseret News ilichapisha ripoti ya kwanza kamili ya mkutano kwa sababu mwanahabari kijana, George D. Watt, alikuwa ameweza kuandika muhtasari wa hotuba kwa kifupi.

• 1867

  Mkutano mkuu ulidumu kwa muda wa siku nne badala ya siku tatu kama kawaida kwa sababu mkusanyiko ulipiga kura kuendelea kuwepo kwa siku moja zaidi.

• 1924

  Mikrofoni zilitumika kwa mara ya kwanza kwenye mimbari ndani ya Tabenako. Awali, wanenaji walitegemea nguvu ya sauti zao ili waweze kusikika.

• 1949

  Kwa kutumia kamera ndani ya Tabenako, mkutano kwa mara ya kwanza ulioneshwa kwenye televisheni.

• 1962

  Hotuba zilifasiriwa katika lugha tofauti—Kijerumani, Kiholanzi, na Kihispania—kwa mara ya kwanza ndani ya Tabenako. Sasa hotuba zinafasiriwa katika zaidi ya lugha 90!

• 1967

  Mkutano mkuu ulioneshwa kwenye TV kwa rangi. Wanaume wa Kwaya ya Tabenako walivalia makoti ya rangi ya samawati, na wanawake wakavalia blauzi za rangi ya salmoni.

• 1977

  Ukibadilika kutoka siku tatu na vikao sita vikuu, mkutano ulichukua muda wa siku mbili na kujumuisha vikao vitano vikuu.

• 2000

  Kituo kipya cha Mikutano Jijini Salt Lake, chenye uwezo wa kuchukua idadi ya watu 21,000 walioketi, kilikuwa mwenyeji wa mkutano mkuu kwa mara ya kwanza.

Kupata mahubiri kutoka mikutano mikuu ya sasa na iliyopita, tembelea gc.ChurchofJesusChrist.org au sehemu ya “Mkutano Mkuu” ya app ya Maktaba ya Injili.

Kielelezo cha mimbari na David Green; PICHA YA TELEVISHENI KUTOKA KWA GETTY IMAGES