Maswali na Majibu

Ni nini unasema wakati rafiki zako hawaamini kwamba Ono la Kwanza lilitokea?

Kuza imani

Pamoja na maswali ya kiroho, si tu mantiki pekee tunayohitaji; pia tunahitaji imani ili kujua kwamba Ono la Kwanza lingeweza kwa hakika kutokea. Tunaweza kukuza imani hiyo kupitia kumuomba Baba wa Mbinguni na kumsikiliza Roho.

Julia B., miaka 17, California, Marekani

Jifunze Biblia

Waombe rafiki zako wajifunze Biblia. Kama wataiamini kama neno la Mungu, basi ni sharti waamini kwamba Mungu huzungumza nasi leo kupitia maono kama vile Ono la Kwanza kwa sababu Alifanya hivyo kwa Adamu, Musa, Isaya, na manabii wengine kwa njia tofauti.

Mzee Muanda, miaka 22, Misheni ya Kenya Nairobi

Muombe Mungu

Ukweli kwamba ukengeufu ulidumu kwa muda wa mamia ya miaka haimaanishi kwamba Mungu alisitisha maono Yake. Tunahitaji kuwa na moyo mnyenyekevu na kumuomba Mungu kwa kusudi halisi na moyo wa kweli, jinsi alivyofanya Joseph Smith.

Jeremi E., miaka 19, Kinshasa, Jamhuri ya Kidemokrasia ya Kongo

Mwamini Mungu

Ningewauliza rafiki zangu, “Unaamini katika Mungu? Unaamini kwamba aliumba vitu vyote? Unaamini kwamba aliwatokea manabii katika siku za kale? Na kama unaamini, kwa nini huamini kwamba inawezekana hivi sasa? Inawezekana!”

Sarah M., miaka 16, Utah, Marekani

Shiriki Ushuhuda Wako.

Ninashiriki ushuhuda wangu pamoja na rafiki zangu kwamba Baba wa Mbinguni hufunua vitu kwa Watoto Wake wakati wanapomwomba Yeye kwa moyo wa kweli ili kujua ukweli. Joseph Smith alikuwa na tamaa ya kujua ukweli, na alitenda kulingana na imani yake. Unaweza pia kufurahia uzoefu wa ajabu kama utamwomba Baba wa Mbinguni kupitia sala kwa moyo wako wote.

Mara C., miaka 20, Lima, Peru

“Kupitia ufunuo binafsi, unaweza kupokea ushahidi wako mwenyewe kwamba Kitabu cha Mormoni ni neno la Mungu, kwamba Joseph Smith ni nabii, na kwamba hili ni Kanisa la Bwana. Bila kujali nini wengine wanaweza kusema au kufanya, hakuna hata mmoja anayeweza kamwe kuutoa ushahidi ulioshuhudiwa kwenye moyo wako na akili kuhusu nini ni kweli.”

Rais Russell M. Nelson, “Ufunuo kwa ajili ya Kanisa, Ufunuo kwa ajili Ya Maisha Yetu,” Liahona, Mei 2018, 95.

Unafikiria Nini?

“Ninapata ugumu kuelewana na wazazi wangu. Nawezaje kuboresha uhusiano wetu?”

Wasilisha jibu lako na, ukipenda, picha ya ubora wa hali ya juu kabla ya Mei 15, 2020, nenda kwenye liahona.ChurchofJesusChrist.org (bofya “Wasilisha Makala au Maoni”). Au tuma barua pepe ya majibu yako kwa liahona.ChurchofJesusChrist.org.

Majibu yanaweza kuhaririwa kwa ajili ya urefu au ufafanuzi. Majibu yaliyochapishwa yanakusudiwa kwa ajili ya msaada na mtazamo, si kama matamko rasmi ya mafundisho ya Kanisa.

Picha kutoka Getty Images

• Ni jinsi gani Joseph Smith alitafsiri Kitabu cha Mormoni?