Kuboresha Uzoefu Wetu wa Hekaluni

Na Urais wa Kwanza

“Taji ya kito ya Urejesho ni hekalu takatifu. Ibada zake na maagano matakatifu ni ya msingi katika kuwaandaa watu walio tayari kumkaribisha Mwokozi katika Ujio Wake wa Pili.”¹

Kwa wakati ufaao, Urais wa Kwanza umefanya marekebisho kwenye ibada za hekaluni na taratibu ili kuboresha uzoefu wa hekaluni kwa waumini na kuwasaidia wote wanaoingia kuhisi uhusiano wa karibu na Mungu katika mazingira haya matakatifu.

Kama sehemu ya uzoefu wa hekaluni, washiriki huvalia mavazi maalum yenye umuhimu wa kimafundisho na kiishara ambayo asili yake inapatikana katika ibada ya hekaluni katika Agano la Kale (ona Mambo ya Walawi 8 na Kutoka 28).

Marekebisho kadhaa yamefanywa kwa mavazi maalum ya ibada ya hekaluni. Marekebisho haya hayaashirii mabadiliko kwenye ishara za hekaluni au mafundisho lakini yamekusudiwa kufanya ibada ya hekaluni kuwa rahisi zaidi, ya kuliwaza, na ya kupatikana kwa urahisi kwa kuyafanya mavazi kuwa rahisi kuvaliwa, kuyatunza, na bei nafuu.

Baadhi ya marekebisho haya ni pamoja na:

Mtindo rahisi zaidi wa shela na joho.
Kuondoa plastiki iliyotiwa ndani ya kofia na tai kutoka kwenye kofia na shela.
Kutumia kitambaa cha kudumu zaidi ambacho kinatumika kwenye joho, kofia, na mshipi, ambacho kinavisadia kudumu kwa muda mrefu zaidi na kuvifanya rahisi kuvitunza.

Tunatumaini marekebisho haya yatasaidia kuboresha uzoefu huu mtakatifu kwa ajili yako unapofanya ibada ya hekaluni kuwa sehemu ya kawaida katika maisha yako.

Majibu kwa Maswali ya Kawaida

Je, ninaweza kuendelea kutumia mavazi maalum ya ibada ambayo niko nayo?

Ndiyo. Mitindo ya awali inaweza kuendelea kutumika mpaka pale itakapohitajika kubadilishwa.

Ni njia zipi bora za kutupa mavazi maalum ya ibada ambayo ni kuukuu?

“Kutupa mavazi maalum kuukuu ya hekaluni, waumini wanapaswa kuyaharibu kwa kuyakatakata vipande vidogo vidogo ili matumizi ya asili yasiweze kutambuliwa” (Handbook 2: Administering the Church [2010], 21.1.42).

Je, naweza kurekebisha mavazi ya sasa kulingana na marekebisho mapya?

Ndiyo. Maelezo ya ziada kuhusu jinsi gani yanapatikana kwenye store.ChurchofJesusChrist.org/ceremonialclothing wakati unapoingia ukitumia akaunti yako ya uumini au kwa kutembelea Distribution Services na kumuuliza karani wa duka.

Naweza kutoa msaada mavazi maalum ya ibada ambayo ni kuukuu?

Wakati inapofaa, unaweza kutoa kwa ukarimu mavazi yaliyotumika kwa wanafamilia au marafiki ambao wamepokea endaumenti. Hata hivyo, mavazi maalum, bila ya kujali hali yake, hayapaswi kutolewa msaada kwa hekalu, Deseret Industries, au sehemu yoyote ya kubadilishana mavazi.

Nawezaje kupata mavazi mapya?

Kwa ajili ya maelezo kuhusu bei na upatikanaji katika eneo lako, nenda kwenye store.ChurchofJesusChrist.org/ceremonialclothing au tembelea Distribution Services.