10 Mea e Fesili Atu Ai i Lou Toalua i le Lumanai

Pe o e mafaufau e te faaipoipo? Manaia! Faamalo atu! Ae e te lei faia, e i ai nisi o mea e tatau lava ona e iloa moni e uiga i le tagata e te manao e faaipoipo i ai (ma e uiga ia te oe lava ia ma mea e te manao i ai).

Na saunoa mai Elder Robert D. Hales (1932 – 2017) o le Korama a Aposetolo e Toasefululua: “O le tafao faamasani o le avanoa lea mo ni talanoaga uumi. A e tafao faamasani, aoao uma mea e te mafaia e uiga i le tasi ma le isi. Ia faamasani atu i aiga o le tasi ma le isi pe a mafai ai. Pe e tutusa a oulua sini? Pe tutusa o oulua lagona e uiga i poloaiga, le Faaola, le perisitua, le malumalu, tulaga faamatua, valaauga i le Ekalesia, ma le auauna atu i isi? Na lua matauina le tasi ma le isi i taimi o le atuatuvale, tali atu i tulaga manuia ma toilalo, tetee atu i le ita, ma le taulimaina o faafitauli? Pe o le tagata o lua tafafao faamasani e faaleaga tagata pe faamalosiau? Pe o ona uiga, gagana, ma amio, o le ituaiga tagata lea e te fia mafuta ai i aso uma?”¹

O le mea moni, e tatau ona e iloa lelei le tagata o loo e faaipoipo i ai. O lena mea i le mafaufau, ua matou tuufaatasia ai se lisi o fesili e fai atu ai i lou toalua i le lumanai. E le o se mea lenei e fai ai se lisi atoa, ae e mafai foi ona e faia na o oe ma ufiufi ni atugaluga patino o le talalelei. Afai e faafaigata nisi o nei autu e talanoa i ai, o le a lelei lea mo le faataitaiga i le taimi e faaipoipo ai, o le a e maua ai le tele o talanoaga faigata e uiga i nei mataupu ma isi autu maaleale.

O le talanoaina o nei autu maaleale, atonu o le a e iloaina ai lou popole e uiga i le manatu o le faaipoipoga, pe atonu foi e te fefe. Ae ia manatua e i ai se eseesega i le va o le fefe ma le popole. O le lagonaina o le fefe e aoga — o le manatu o le faaipoipo e mafai ona taufaafefe! Ae ua tau mai e le Alii ia i tatou e aua le fefefe,² o lea afai e te maua se lagona lelei e uiga i le tagata, e mafai ona e agai i luma e tusa lava po o a ou popolega. Peitai, afai o loo i ai se popolega moni ia te oe i le tagata o loo e mafaufau e faaipoipo i ai, mai se fesili i lenei lisi po o se isi fesili o ia te oe, atonu o se faailoga lea ia faaeteete ai le agai i luma.

Tau ina manatua, e le o se suega lenei; o se avanoa e aoao ai e fesootai atu e uiga i nisi o mea e lelei, faigata, ma le tulaga ese lea o le a oo mai i le faaipoipoga.

O a ni o latou lagona e uiga ia Iesu Keriso ma le talalelei? E faatatau i le malumalu? E faapefea ona latou faaalu le latou Sapati?
O a ni uiga ma ni meaalofa latou te lagona e manaomia mo se faaipoipoga ma se aiga fiafia? O le fea o na uiga po o meaalofa latou te lagona o ni malosiaga ia i latou, ma o le a faapefea ona e fesoasoani i le tasi ma le isi e atiina ae isi?
Pe latou te mananao i ni fanau? E fia? O le a le vave? O le a foliga o a latou auala e aoai ai fanau?
O le a se foliga o se aso i le olaga o lau faaipoipoga? E faapefea ona outou mananao uma e fai le tatalo, suesue i tusitusiga paia, ma isi mea faapena? O le a se mea o le a e fuafua e fai ina ia tausisia ai le malosi o lau sootaga?
Pe o i latou o ni tagata e sefe pe faaalutupe pe a oo i le tulaga tautupe? O a ni o latou lagona e uiga i aitalafu — ma pe o nofo aitalafu ea? O a ni o latou talitonuga e uiga i le sefuluai?
E faapefea ona latou taulimaina faatasi ma o latou aiga? E fia se taimi latou te fuafua e faaalu faatasi ai ma i latou pe a uma ona e faaipoipo? O le a le tele o le taimi ua latou fuafua ai e faaalu ma lou aiga?
O a ni a latou vaaiga, faamoemoega, po o aafiaga o sootaga vavalalata faaletino?
Pe ua latou tauivi ea ma soo se ituaiga o vaisu po o le se masani o mea e pei o le tuuina atu o fualaau faatulagaina po o isi fualaau faasaina, ponokalafi, ava malosi, po o taaloga foi o le vitio po o mea e faafoliga e moi? Afai o lea, o le a se mea ua latou faia e manumalo ai?
O le a faapefea ona oulua taulimaina feeseeseaiga pe a tutupu?
Pe i ai ea se isi mea i o latou taimi ua tuanai e tatau ona e iloa? Afai e i ai, o se taimi lelei lenei e iloa ai lou talitonu tele i le salamo. O se taimi sili foi lea mo le faamaoni. E te le manao e sue ni mea i se taimi mulimuli ane ma tuu ai se avanoa mo soo se tasi o oulua pe e te mafaufau ai pe e te ono faaipoipo pe afai e te iloaina lena faamatalaga.

Na faamanatu mai foi e Elder Hales ia i tatou “e leai se tasi o i tatou na faaipoipo i le atoatoa; matou te faaipoipo ua faamoemoeina.”³ ia tausisia lena mea i le mafaufau i au talanoaga i tafaoga faamasani. E leai se tasi e atoatoa, ma o le faaipoipoga e faatatau i le aoao mai ma le tuputupu ae ma le faalatalata faatasi i le Faaola.