Ua Na’o Tusiga Faatekinolosi
O le Mea Na Aoao Ai A’u e le Manaoga Faapitoa o La’u Tama e Uiga i le Alofa Tunoa
E silafia e le Tama Faalelagi le mea o loo feagai ma i tatou. Ma na te silafia le tagata e mafai ona avea ai i tatou.
Mai se faigalotu a le Iunivesite o Polika Iaga na faia i le aso 10 o Iulai, 2018. Mo le saunoaga atoa, alu i le speeches.byu.edu.
O lou afafine lona lua o Caroline, na fanau i le ala o le taoto o lona tina [C-section]. O se aofai lemafaamatalaina o le toto na lusi o lona uiga o le leai o se okesene i lona faiai, lea na mafua ai ona mafatia i se tulaga matautia ua faaleagaina.
I le sefululima tausaga mulimuli ane, o loo i ai pea Caroline i se tulaga o le tuputupu ae o se tagata e tolu masina le matua. E le mafai ona savali pe totolo pe taavalevale o ia. E le mafai ona ia talanoa, ma e tatou te le o mautinoa po o le a se mea e malamalama i ai.
O le tala fiafia o Caroline e aulelei. Ua ia te ia le ataata tele ma le ata aupito sili ona lelei. E fiafia o ia i opo ma ni kisi, o se savili malulu i ona foliga, ma galulu i luga o le auala. Na te faia ma le fiafia ni “aah” lemu ma “AAH” matua leotele— e tele lava i le tuneva o le po.
Ina ua lima tausaga o Caroline, sa faamalosia o ia e ala i le va o le 2:00 ma le 3:00 i le taeao mo le tele o po sosoo. I se tasi po ina ua uma lenei mea, sa ou tusia ai le mea lenei:
A o ou suia lona napekini i le taimi lava lenei, sa ou usuina se tasi o pese [Peraimeri] na folafola mai Lizzy (le isi a ma tama teine) o le a matou pepese ai i po uma a o lei momoe. . . . “Na tuuina mai e le Atua ia i tatou ni aiga e fesoasoani ia avea ai i tatou ma tagata e finagalo o Ia ia avea ai i tatou.” Ma sa ou tilotilo atu ia Caroline ma e lei leva ae oo mai upu i le mea na taimua ai lou mafaufau.
Na tuuina mai e le Atua ia te au se aiga—e aofia ai lenei tamaitai e alapo i le 2:00 a.m—e fesoasoani ia te au e avea ai ma tagata ua ia finagalo ou te avea ai. . . . “O le auala lenei Na te faasoa atu ai Lona alofa,” na faaauau ai le tali, “aua o le aiga e ‘ou le Atua lea.”
O lena po sa ou lagona ai se fesootaiga puupuu ma le faamanuiaina ma le Atua, o se faamaoniga o Ia, i lena lava taimi, sa ia silafia patino au ma Caroline ma lo matou aiga. E alofa o Ia ia i tatou. Ma o Ia, o lou Tama, na tuuina mai ia te au le faamalosiauga e ala i le aoaoina o au i le pogai ua tatou feagai ai ma na luitau: “ina ia fesoasoani ia i tatou e avea ma tagata ua finagalo o Ia ia avea ai i tatou.”
E masani ona lagonaina “AAH” leotele a Caroline i le lotu. Pe a faapitoa lona faanoanoa ma le leotele, o lo’u toalua poo au e aveina i le faapaologa, lea matou te tuleia faataamilo ai Caroline i lona nofoa faataavalevale, ma faatoafilemu ai o ia i le minoi atu minoi mai.
I se tasi Aso Sa, sa ou sau ai i le lotu e uunaia se Caroline na sili ona faanoanoa, ma le manatu o le a mafai ona matou nonofo mo le na o le faamanatuga. A o ou savali atu i le faapaologa ma Caroline tumau i le faanoanoa, sa amata ona ou mafaufau pe mata e mafai ona matou aulia le taimi lena. O au taumafaiga uma e faamafanafana ia te ia na foliga mai o le a le faamanuiaina.
Ae na amata loa le viiga o le faamanatuga. Sa faalatalata atu ou foliga ia Caroline ma pese ia te ia. Sa filemu o ia ma faalogo i ai. O le viiga o le faamanatuga i lena aso o le “Reverently and Meekly Now” (Hymns, no. 185), lea na tusia e pei o loo lagiina e le Faaola. O le mea moni, sa ou taulai atu ia Caroline ae le o le viiga—seia oo ina matou taunuu i le fuaiupu lona fa, lea na ou usuina ai nei upu i lou afafine:
Ua ou alofa ia te oe e pei o lau uo,
I se alofa lea e le mafai ona muta.
Sa ou tilotilo atu i mata lapopoa lanumoana o Caroline ma lagona le moni o na upu. O Iesu Keriso, le Togiola o le lalolagi, e alofa ia Caroline “faatasi ai ma le alofa lea e le mafai ona muta.” Pe a faanoanoa o ia pe tiga, pe a leai se iloa i ona matua ma le mafai ona faamafanafana ia te ia, e i ai se Tasi o ana Uo Tumau-faavavau, e iloa lona lagona ma le auala e fesoasoani ai ia te ia.
Talu ai nei sa faia ai e lo matou aiga se talanoaga fiafia e uiga i se autu taua tele: o lou lauulu — po o le leai lava, ona mai lena taimi ou te ulupoo. Sa ou tautino atu, i le Toetutu, o le a latou le iloaina au i le kelikeli o lo’u lauulu.
E aunoa ma se faatali, na fai mai ai Lizzy, “Ou te manatu o le a matuai faalavelaveina i tatou i le talanoa mai o Caroline.”
Sa matou toe uma lava, ae sa taia au i le upumoni loloto o ana upu: O le faaolataga e maua e ala i lo tatou Faaola Silisili ua aofia ai i tatou uma, e aofia ai lou ulu ma le faaleagaina o le faiai o Caroline ma mea uma i le va. E ofoofogia le alofa tunoa o Iesu Keriso; o Lona mana e faamalolo ai e le iloa ai ni tuaoi.
O le faasinomaga e faavavau o Caroline e le faamatalaina e lona tulaga o le le atoatoa i la le tino; o loo faatalitali mo ia se lumanai matagofie ma le mamalu ona o Iesu Keriso.