E mafai faapefea ona ou fesoasoani i a’u uo ia e foliga mai o loo mafatia?

Valaaulia i Latou e Faatasi ma Oe

Valaaulia i latou e fai mea malie faatasi ma oe. Aua le lotovaivai pe afai latou te le o tali mai i le ala e te manao ai. O nisi taimi tau lava o le valaaulia i se mea po o le iloa foi e te manao e faatasi ma i latou o le a faamalosia ai i latou.

Alyssa F., 16 tausaga, Uosigitone, ISA

Faamautinoa ia i Latou

A ou i ai faatasi ma ni uo o mafatia i faanoanoaga, ou te le faamamasagiaina lo latou faafitauli. Ae ou te fesoasoani e faamama o latou faigata. Ou te taumafai ina ia maua le faamautinoaga ma le alofa ia i latou. Ou te tuu atu ia i latou le avanoa e faaleo mai ai mea e le fiafia ai.

Angbo K., 18 tausaga, Ivory Coast

Aua Nei Faatagaina Oe Lava E te Faanoanoa Ai

O le auala sili e fesoasoani ai ia i latou, ma oe lava ia, o le faamaoni. Ta’u atu mea e te maua ai le olioli. Afai o loo e tauivi ma le faatumauina o lou fiafia, ta’u i ai ia i latou o loo e iina mo i latou, ae ia tausia lelei oe lava ia. E sili atu lou lagona manuia nai lo le tosoina atu o oe ia e faanoanoa ai foi.

Kira W., 16 tausaga, Kansas, ISA

Mafaufau i le Lelei

E mafai ona e tumau i manatu lelei a o e faatasi ma au uo o e foliga o faanoanoa e ala i lou mafaufau i mea lelei ua e oo i ai po o mea o le a lata ona e oo i ai i lou olaga. Tau lava o le mafaufau i mea e te talisapaia, e pei o aafiaga malie.

Luke P., 14 tausaga, Niu Mekisiko, ISA

Faamanatu ia i :Latou Mea Lelei

A i ai sa’u uo e faanoanoa, ou te taumafai e talanoa atu ia i latou e uiga i se mea latou te fiafia i ai ina ia mafai ona latou manatua nisi o mea lelei e uiga i lo latou aso po o le olaga. O nisi taimi ou te taumafai e faa’ata pe tuu atu i ai se tala faamalo ia maua ai e i latou lagona lelei, ma o nisi taimi ou te fai atu i ai e fai se mea taua ia latou iloa ai e i ai lo latou faamoemoega.

Carson D., 15 tausaga, Texas, ISA