Talofa mai Siamani!

Talofa, o ma’ua o Margo ma Paolo.

Faatasi mai ma i ma’ua a o ma asiasi i Siamani!

O Siamani, po o Deutschland, o se atunuu i Europa tutotonu. E i ai vaomatua ma vaitafe, mauga ma matafaga, ma nuu ma aai tetele. Pe tusa ma le 13 miliona tamaiti e nonofo i Siamani.

O Siamani e tusa ma le 20,000 ni maota tetele o loo i ai. O le tele o maota ua ta’i faitau selau tausaga le leva. O se tasi lenei o maota lauiloa e ta’ua o le Neuschwanstein.

O pikokapisi, sosisi, ma Spätzle (saimini) o meaai lauiloa na i Siamani.

E lua malumalu i Siamani. O le tasi o loo i Freiberg, a o le isi e i Frankfurt, i le mea o i ai lenei tamaitiiti. Fai mai le faailoga, “Tempel der Kirche Jesu Christi der Heiligen der Letzten Tage” (Malumalu o Le Ekalesia a Iesu Keriso o le Au Paia o Aso e Gata Ai).

E fiafia teineiti ma tamaiti e auai i le Peraimeri.

E lauiloa Siamani i ona maketi o le Kerisimasi. E fiafia aiga e vaavaai atu i moli matagofie ma taumamafa i meaai suamalie manaia!

O foliga ia o le Tusitaiala a Tamaiti i le faa-Siamani. O loo faaaogaina e tamaiti i Siamani e aoao ma tuputupu ae ai. O faapefea ona e faaaogaina lau tusitaiala i le mea o loo e nofo ai?

I le aso muamua o le aoga tulagalua, e tofu tamaiti taitoatasi ma se satchel (ato faafafa), o se pusa o penitala, ma se “ipu aoga” (Schultüte po o Zuckertüte) e tumu i lole ma meaalofa laiti.

Feiloai i nisi o a tatou uo mai Siamani!

O le tala e sili ona ou fiafia i ai o le Tusi a Mamona o le taimi lea na asiasi atu ai Keriso ma aoao atu i tagata. Ou te fia mulimuli i le poloaiga a Keriso e aua le faamasino atu. O le tele o lo’u faitau e uiga i aoaoga a le Faaola, o le tele foi lea o lo’u lagonaina o Lona alofa ma le filemu.

Lelia A., 10 tausaga, Franconia, Siamani

Ou te iloa afai ou te tausia poloaiga, ou te maua le faamautinoaga ma le saogalemu o le tumau ai i luga o le ala e tau atu i le Atua. E mafai ona ou iloa i taimi uma sa ou faia se mea sao pe a ou lagona le Agaga Paia.

Kaleb A., 12 tausaga, Franconia, Siamani

E te sau mai Siamani? Tusi mai ia i ma’ua! Ma te fiafia lava e faalogo atu ia te outou.

Faafetai mo le asiasia o Siamani faatasi mai ma’ua. Feiloai i se isi taimi!

Ata na tusia e Katie McDee; ata o se tamaitiiti i luma o le faailoga o le Malumalu o Frankfurt Siamani na pueina e Fernanda Rudloff; faaputuga ata pue na saunia e AdobeStock ma le Getty Images