Faaali ma Ta’u Atu

A o ou laitiiti, sa ou maua i se faamai o le pa’u. O aso uma lava sa ou tatalo ai mo Tamā Faalelagi e faamalolo au. Sa ou aoao ia onosai, ma ina ua mavae le lima tausaga sa faapea ona faamaloloina a’u. Ou te iloa e faafofoga le Tamā Faalelagi i a tatou talosaga.

Juyoung K., 12 tausaga, Gyeonggi, Korea i Saute

O le tuafafine laitiiti o la’u uo e fefe i taifau. Ina ua latalata mai nisi o taifau ia i matou, sa ou tuliesea ina ia le fefe o ia.

Ailama F., 7 tausaga, Maputo, Mozambique

Ou te fiafia i le i ai o a’u fagafao iniseti [pei ni] fasilaau. Sa ma’i tigaina se tasi o i latou. Sa ou faia se tatalo ia manuia o ia. O le taeao na sosoo ai, sa ou tilotilo atu i totonu o lona pa ua toe manuia o ia. Ou te iloa sa faafofoga mai le Tamā Faalelagi i la’u tatalo.

Tahnee C., 8 tausaga, Ueligitone, Niu Sila

Sa ma’i lo’u tamā ua pe le itu o lona tino ma sa alu ai i le falemai a o fitu o’u tausaga. Sa i ai pea o ia i le falemai ina ua atoa lo’u valu tausaga. Sa ou filifili e faatali sei te’a lo’u tamā mai le falemai ona ou papatiso lea ma faamauina. O se tasi lea o aso aupito sili ona fiafia mo a’u.

William M., 9 tausaga, Kuiniselani, Ausetalia

A o ou alu i le aoga, sa fiafia nisi o tamaiti aoga i tala taufaafefe. Sa latou faamatala mai se tala ia te au sa matua amata ona ou fefe ai i po. I se tasi po, sa ou filifili ai e tatalo i le Tamā Faalelagi ia aveese mai i lo’u mafaufau, ma sa fesoasoani mai o Ia ia ou moe i po uma. O iina na ou iloa ai e mafai ona ou tatalo atu ia te Ia i soo se mea ma i soo se taimi.

Enerel T., 11 tausaga, Ulaanbaatar, Monokolia

“Tamaiti i le Lalolagi Atoa,” Alexia W., 10 tausaga, Heredia, Costa Rica

Miguel T., 7 tausaga, Nuevo León, Mékisiko

Ata pito i tua mai le Getty Images