Sa Leai Se Tasi Na Tuua

Saunia e Elder Gary B. Sabin

O Le Fitugafulu

“Ia loto gatasi outou uma, ia fealofani” (1 Peteru 3:8).

lo ma atalii o Justin na ola ae ma se faamai faigata. O nisi taimi sa matuai vaivai lava o ia. Sa le mafai ona ia faia i taimi uma ia mea e pei o isi tagata uma, e ui lava ina sa ia taumafai. Sa ia iloaina le lagona o le ese mai i isi.

I se tasi aso na faatasitasi ai Justin ma ana uo e taaalo i se taaloga. Sa tatau ona latou poina le polo i o latou lima ina ia tumau ai i le ea. O se tasi o teineiti na sau e taalo na gau lona lima.

Na semanu e faigofie ona faapea atu, “Ua lelei, o le a tatou taaalo uma lava, ae o le a na o le matamata lava o ia.”

Ae nai lo lena, na fai atu Justin, “E i ai lo’u manatu lelei lava. O le a tatou taaalo uma lava i le lima e tasi.” Na taaalo tagata uma i le taaloga e faaaoga ai le lima e tasi, e aofia ai ma le teine sa faasimā lona lima. Sa leai se tasi na tuua.

O Justin o la’u toa manumanu. E tilotilo lava o ia i isi tagata ma mafaufau, O a o latou lagona? Sa ma’i Justin mo le tele o lona olaga, ae sa fiafia o ia aua sa ia fesoasoani atu i isi tagata ma mulimuli ia Iesu Keriso.

E tofu uma i tatou ma luitau, ae e tele naua mea tatou te fiafia ai. Fai le mea e te mafaia. Faatuatua i le Atua. O le fiafiaga silisili e le sau mai le taulai atu ia te oe lava ae mai le taulai atu i isi. ●

Ata na tusia e Barbara Bongini