2020
O Ai A’u?—Piki se Kata
Iuni 2020

O Ai A’u?—Piki se Kata

Faaaoga kata nei e fai ai le taaloga o loo i itulau U12–U13.

Who Am I—Pick a Card

  • Apiso:Sa ou liliu atu i le Atua i le tele o tausaga ua mavae, ina ua i ai se faaaliga vaaia a lo’u tamā. A o ou galue ai mo le tupu o Lamonae, sa ou fesoasoani i le toatele o tagata e aoao e uiga i le mana o le Atua.

  • Tupu o Lamonae:Ina ua ou aoao e uiga i le talalelei, sa ou maua se faaaliga. Sa ou vaai ia Iesu! Sa faasoa atu la’u molimau i lo’u tamā ma fesoasoani i le laveaiina o faifeautalai mai le falepuipui.

  • Korioa:Sa ou taumafai e faatalitonu tagata e lē moni Iesu ma ou faamalosi atu e tuu mai se faamaoniga o loo i ai se Atua. Na faafuasei lava ona lē mafai ona ou tautala pe faalogo!

  • Amona:O a’u o se tasi o atalii o Mosaea. I le taimi o la’u misiona, sa ou puipuia lafu a le tupu o Lamonae. Sa ou aoaoina le tupu o Lamonae ma le masiofo e uiga i le talalelei.

  • Aneti-Nifae-Liae:Sa avea muamua i matou ma ni tagata sa Lamana sa tau soo, ae sa matou filifili e mulimuli i le Atua. O lea na matou tanumia ai a matou auupega o taua ma folafola atu e le toe tau.

  • Alema le Itiiti:E faaigoa a’u i le igoa o lo’u tamā, le perofeta. Sa matou faia ma a’u uo ni filifiliga le lelei. Ae na matou salamo ma avea ma ni faifeautalai.

  • Le Masiofo:Sa ou puipuia lo’u toalua ina ua manatu isi ua maliu o ia. Ina ua uma ona ou aoao e uiga i le Atua, sa fesoasoani la’u auauna o Apiso ou te tu ma aoao atu isi.

  • Taitai Au Moronae:Sa avea a’u ma taitai au o le autau a sa Nifae, ae ou te lei fiafia e faatigā i tagata. Sa ou faia le tagavai o le saolotoga e faamanatu ai i tagata le mea e sili ona taua e puipui.

  • Fitafita Talavou:Sa matou aoao e uiga i le faatuatua mai o matou tina. Ina ua manaomia ona matou puipuia o matou aiga, sa matou talitonu o le a fesoasoani mai le Atua ia i matou. Ma sa Ia faia.

  • Arona:O a’u o se tasi o atalii o Mosaea. I la’u misiona, sa ou aoao atu ai i le tamā ma le tinā o le Tupu o Lamonae. Ona latou fatuina ai lea o tulafono e puipuia ai faifeautalai i o latou laueleele.

  • Amalekia:Sa matuai ou manao lava e avea a’u ma tupu! Sa ou faaonāina le sifi sa Lamana ma ou pule i lana autau. Sa ou taumafai e faatalitonu tagata ia tau ma faatigā e le tasi le isi.

  • Le Auauna Fafine:Ina ua faatiga mai se tasi ia te a’u, sa lava lo’u lototele e ta’u atu i se tagata e uiga i ai ma talosaga atu mo se fesoasoani. Sa ma galulue ma Taitai Au Moronae e puipui lona nuu.

Ata na tusia e Jeff Harvey