Sa Faasoa Atu e Apiso le Talalelei

Sa galue se tamaitai e igoa ia Apiso mo le tupu. Sa talitonu o ia i le Atua. O le toatele o tagata na siomia o ia e le i talitonu i le Atua. I se tasi aso sa ia vaai ai i se faifeautalai e igoa ia Amona o aoao atu le tupu ma le masiofo e uiga i le Atua ma Iesu Keriso.

Ina ua aoao le tupu ma le masiofo e uiga i le talalelei, sa matua fiafia lava i laua! Sa laua pauu i lalo ma lē minoi. Sa iloa e Apiso sa la lagonaina le mana o le Atua.

Sa manao Apiso ia aoao tagata uma e uiga i le Atua. O lea sa ia tamoe ai mai lea fale i lea fale ma ta’u atu i tagata e o mai ma vaai i le mea na tupu.

Ina ua uma ona faapotopoto le motu o tagata, sa fesoasoani Apiso i le masiofo e tu i luga. Ona fesoasoani lea o le masiofo i le tupu e tu i luga. Sa amata ona latou aoao atu tagata e uiga i le talalelei.

E mafai ona ou pei o Apiso. E mafai ona ou fesoasoani i isi tagata e aoao e uiga ia Tamā Faalelagi ma Iesu Keriso. ●

Ata na tusia e Apryl Stott