O Upumoni e Fa e uiga i le Alofa ma le Faaipoipoga

A o lei faaipoipo o ia ia Peresitene Russell M. Nelson, sa avea Sister Wendy W. Nelson ma polofesa o togafitiga o faaipoipoga ma aiga mo le 25 tausaga. I se faigalotu i le lalolagi atoa mo talavou matutua, sa ia faasoa mai ai nei upumoni e fa:

1. “O upumoni e uiga i le alofa ma le faaipoipoga e avatu ia te oe e le Agaga Paia mai lo tatou Tama Faalelagi.”

2. “O le mamā faaletagata lava ia o le ki lea i le alofa moni. O le faateleina lava o le mamā o ou mafaufauga ma lagona, o au upu ma amioga, o le faateleina foi lena o lou gafatia e avatu ai ma talia le alofa moni.”

3. “I le avea ai ma se vaega taua o le faailoaga o lo la alolofa, e finagalo le Alii i se tane ma se avā ia tofusia i mea ofoofogia ma fiafiaga o le alofa faamamai faaleulugalii.”

4. “Mo le alofa moni faamamai faaleulugalii, e manaomia ona aofia ai le Agaga Paia. E le mafai ona i ai le ituaiga o aafiaga faamamai lea i fafo atu o le faaipoipoga lea e mafai ona e maua i totonu [o le faaipoipoga] ona o le a le i ai le Agaga.”

E mafai ona e faitauina pe matamata i le saunoaga a Sister Nelson i le lauga o le “Alofa ma le Faaipoipoga” i le ChurchofJesusChrist.org/go/8205. O loo i ai foi i lenei lomiga nisi o tusiga e uiga i le vaaiga a le talalelei i tulaga feusuai: mo matua (tagai i le itulau 18), mo le autalavou matutua (tagai i le itulau e 42), ma mo le autalavou (tagai i le itulau 52).