Tuputupu A’e ma Sini Lelei
O loo faaaogaina e tamaiti i le salafa o le lalolagi le Tusitaiala a Tamaiti e faataitai ai ni mea fou ma tutupu a’e faapei ona sa faia e Iesu!
O Jessica B., 10 tausaga, e nofo i Greater Accra, Ghana. Sa ia faatuina se sini e faia ni uo fou ma faasoa atu le talalelei ia i latou Sa ia tuuina se kopi o le Uo i totonu o lana atoaoga ma faitau le mekasini i le aoga. Sa ia faasoa atu i ana uo aoga ma talanoa ia i latou e uiga i le talalelei. “Ou te lagona ai le fiafia,” o le tala lea a Jessica.
O Pita G., e 9 tausaga, mai Ohaio, ISA, sa faafaigata ona faitau. Sa manaomia ona ia pasia se suega taua o le faitautusi e alu ai i le isi vasega i le aoga. O lea sa ia faatuina ai se sini e faitau faatasi ma lona tina ma ona tuafafine i aso uma mo le 20 minute. “Sa ou ole atu i le Tama Faalelagi e fesoasoani mai ia te a’u,” o le tala lea a Pita. Mulimuli ane, ina ua ia faia le suega, sa pasi o ia!
O Danielle P., e 8 tausaga, mai Cebu, Filipaina, e manao e tuuina atu meaai i tagata e leai ni fale. “Ou te manao e fafaga i latou ina ia mafai ona latou fiafia ma momoe ae ua maoona,” o lana tala lea. A maua e lona aiga ni meaai faaopoopo mai a latou pisinisi, latou te tietie solo ma avatu i tagata o loo fiaaai.
O Prophet M., e 12 tausaga, e nofo i Greater Accra, Ghana. Ina ua uma ona aoao e ta le piano, sa ia faatuina se sini e aoao isi ia iloa foi tātā! Sa ia valaaulia tagata sa ia iloaina e ave ni vasega ta piano na aoaoina e ia ma ana uo. “O lenei ua matou maua le silia ma le 50 tamaiti aoga o loo faia lesona,” o le tala lea a Prophet. O le toavalu o na tamaiti aoga ua uma ona papatisoina!