Sau, Mulimuli Mai ia te A’u: Tusi a Mamona

E mafai faapefea e le autalavou ona fausia le malo o le Atua?

Alema 53–63

10–16 Aokuso

Na musuia Helamana e le faatuatua maoae o ona atalii talavou. Mafaufau pe na faapefea e a latou faatinoga ona tuuina atu ia i latou le puipuiga faaleagaga (tagai Alema 57:25–27) ma pe faapefea e le mulimuli i a latou faataitaiga ona fesoasoani ia te oe e fausia le malo o le Atua.

Filifili Po o Ai e Mulimuli i Ai

Na filifilia e nei talavou lo latou taitai—le perofeta o Helamana (tagai i le Alema 53:19). E mafai faapefea ona e filifilia le perofeta e avea ma ou taitai?

Ia Faamaoni i Taimi Uma

O nei talavou “sa faamaoni i taimi uma i soo se mea na faatuatuaina ai i latou” (Alema 53:20). E mafai faapefea ona e faamaoni a’ia’i i ou tiutetauave?

Faaali le Faatuatua

O nei talavou sa toaitiiti i le fuainumera ma sa laitiiti so latou poto masani i taua. E ui i lea, sa latou faatuatua: “ua faatasi mai lo tatou Atua ma i tatou, ma o le a ia le tuua ia tatou pauu; … ia tatou o atu” (Alema 56:46). E mafai faapefea ona e “alu atu” i le faatuatua?

Faatuatua i Aoaoga a Matua Amiotonu

O nei talavou “sa aoaoina i latou e o latou tina, e faapea afai latou te le masalosalo, o le a laveaiina i latou e le Atua” (Alema 56:47). E mafai foi faapefea ona e aoaoina lau fanau ia maua le faatuatua?

Talanoaga

E mafai faapefea ona e puipuia le talalelei ma aoaoga a Keriso i totonu o lou lava alalafaga? E faapefea ona e fesoasoani atu i isi ia faia nei lava mea?

“E pei o le autau talavou e 2,000 a Helamana, o outou foi o atalii agaga [ma afafine] o le Atua, ma o outou foi e mafai ona faaeeina i ai le mana e atiina ae ai ma puipuia Lona malo.”

Peresitene M. Russell Ballard, Sui Peresitene o le Korama a Aposetolo e Toasefululua, “O Se Tupulaga Sili Ona Maoae o Faifeautalai,” Ensign po o le Liahona, Nov. 2002, 47.