O le Fanameme’i Sili Ona Lelei i Jamaica
Sa ta’i atu e Donovan lana fanameme’i aga’i i le atigi apa supo i luga o le pogati laau.
Sa ia meme’iina mai i tua le pa’u meme’i o le fanameme’i.
“O le a lau mea lea e fai?” sa fesili atu ai lona tuafafine laitiiti o, Dana.
“Matamata mai!” o lana tala lea.
Pa!
O le pa’u meme’i na toe foi i lona tulaga sa i ai ao faamamulu a Donovan, ma lele atu ai loa le tamai ma’a. Na i ai ni laulaau i se laau lata mai na lavevea. Ae e lei minoi le apa. Sa tuu e Donovan le fanameme’i i totonu o lana taga pito i tua. Sa misi ia te ia. Toe fai!
Sa faasipa le ulu o Dana i lona itu. “O le a le mea lea e tatau ona ou vaai atu i ai?”
“E leai se mea,” o le tala lea a Donovan. “Sau ia. Ta o i le fale.” Sa amata ona la toe agai atu i le fale.
Sa kiki ese e Donovan se fasi laau mai lona ala. Po o le a lava lona taumafai malosi, e le mafai lava ona ia faaaogaina sao le fanameme’i a Tama. Ma sa matua’i fiafia o ia i lena mea! E fiafia lava o ia e faaaoga pe a faigaluega Tama i fafo o le taulaga, e pei ona i ai nei. Sa fesoasoani ia te ia e lagona ai lona latalata atu ia Tama pe a le mafai ona ia vaai ia te ia.
Sa ia tosoina ese le fanameme’i mai lana taga ma vilivili lemu i lona lima. O le pa’u talatala sa iu ina molemole i aso lava la ua leva. Sa fai e tamā le fanameme’i mai se lalā laau malosi ma faaaoga mo ni tausaga a o lei tuuina atu ia Donovan.
Sa tusi atu le lima o tamā agai i le atigi apa supo i lena aso. “A e taulai toto’a, e mafai ona tutupu ni mea ofoofogia.” Sa manatua pea e Donovan le mea na sosoo ai. Sa ta’i atu e Tama le fanameme’i ma taia ai le atigiapa supo. E tasi lava le taumafaiga! Sa ia faafoliga maia e faigofie. Sa matuai misia lava o ia e Donovan.
Sa mafaufau lava o ia e uiga ia Tama ina ua moe i lena po.
O le taeao na sosoo ai, na ave ai e Donovan lana fanameme’i i se vaega o laau e fiafia i ai e toe taumafai.
“Taula’i toto’a …” o le tala lea a Donovan a o sioa atu i le atigiapa i luga o le pogati laau. Sa ia tuu se isi maa laitiiti i le fanameme’i ma toe toso i tua.
Sa mafaufau ia DonovanE taumafai pea Tama, e tusa lava pe le sologa lelei ia mea uma.
Sa taumafai Donovan e aua le mafaufau e uiga i taimi uma na ia misia muamua. Sa faaivi lona mata e tasi, i le ala na aoao ai o ia e Tama. Sa ia matua’i taula’i lava. E lei tilotilo Donovan i se isi lava mea ae nao le atigiapa supo mumu.
Sa manava loloa, ona ia faamamulu lea.
Pa!
PAO!
Sa emo i le te’i Donovan a o lele ese le atigiapa mai luga o le pogati laau. “Ua ou mafaia,” o lana tala lea. “Ioe!”
I se taimi mulimuli ane i lena po, na nofo ai Donovan i autafa o Tina ina ua uma le la taumafataga Sa ia uuina i luga le fanameme’i.
“Ua iu lava ina lavea le atigiapa ia te au ananei,” na ia fai atui ai, ma ataata.
“Malo lava!” O le tala lea a tina.
“E te iloa, ou te manatu o le fanameme’i lenei o le mea e aupito sili ona ou fiafia i ai i le lalolagi atoa,” o le tala lea a Donovan.
“Oi?” Sa fesili atu ai tina.
“Ioe. Aua e fesoasoani ou te mafaufau ai ia Tama ma lagona le latalata atu ia te ia.”
Na ataata Tina. “Ou te manatu o le a fiafia o ia e iloa o loo faapena ou lagona. Ae e te iloa? E toe tolu lava aso oo mai tamā i le fale. E mafai ona e faaali atu ia te ia ou tomai fou.”
Sa le mafai ona faatali Donovan! “Ua oo mai ai ia te a’u se manatu,” o lana tala lea.
Sa tamoe o ia e sue Dana. E mafai ona ia aoao o ia [Dana] e faaaoga le fanameme’i i le auala lava e tasi lea na aoaoina ai o ia e Tama!
“Ei, Dana,” o lana tala lea. “E te fia aoao pe faapefea ona faaaoga le fanameme’i sili ona lelei i Jamaica?” ●
Pe a e taula’ atu, e mafai ona tutupu ni mea ofoofogia.