Talofa mai Meleisia!

Talofa! O ma’ua o Margo ma Paolo.

O loo ma asiasi i Meleisia!

O Meleisia o se atunuu matagofie i Asia Sautesasae. E tusa ma le 10,000 tagata o le Ekalesia ma le 33 o paranesi i Meleisia. O le Ekalesia iina e laitiiti ae malosi!

O le Keluarga o lona uiga o le “aiga” i le gagana Meleisia. E fiafia lenei aiga e taaalo faatasi i le paka.

O le durian o se fualaauaina e malosi lona manogi i le lalolagi! E toatele tagata i Meleisia e fiafia i lenei fualaauaina suamalie. E faaaoga e gaosi ai lole, aisa kulimi, ma isi meaai suamalie.

I Meleisia, e talitonu tagata i le tele o tapuaiga eseese e aofia ai le Isalama, Puta, ma le faa-Kerisiano. O nei sitepu felanulanuai e taitai atu ai i Ana o Batu. O loo i totonu se malumalu lauiloa Initu!

E fiafia aiga i Meleisia e o atu i fafo ma aai faatasi. E mafai e tagata ona faatau ni meaai i le ao atoa ma le po.

O nei tamaiti o le Peraimeri o loo saofafai i luma o se faailoga a le Ekalesia i gagana Meleisia ma Saina. E tele gagana e tautatala ai tagata i Meleisia. I le lotu, e fesoasoani tagata e faaliliu ina ia malamalama ai tagata uma.

O le silia ma le afa o Meleisia o le vaomatua o le teropika. O se nofoaga o manu ofoofogia e pei o le taika Melei ma le manuki ai laulaau.

Feiloai i nisi o a matou uo mai Meleisia!

E finagalo le Atua ia tatou agalelei ma tausi poloaiga.

Anika C., 7 tausaga, Kuala Lumpa, Meleisia

O le mataupu faavae o le faatuatua ou te fiafia lava i ai o le lona fa: “Matou te talitonu o uluai mataupu autu ma sauniga nei o le Talalelei: muamua, Faatuatua i le Alii o Iesu Keriso; o lona lua, Salamo; o lona tolu, Papatisoga e ala i le faatofuina mo le faamagaloga o agasala; o lona fa, Faaeega o lima mo le meaalofa o le Agaga Paia.”

Leifi C., 8 tausaga, Kuala Lumpa, Meleisia

E te sau mai Meleisia? Tusi mai ia i matou! Matou te fiafia lava e faalogo atu ia te oe.

Faafetai mo le asiasia o Meleisia faatasi ma i ma’ua! Feiloai i se isi taimi!