Sau, Mulimuli Mai ia te A’u

Valaauina e le Alii

Mataupu Faavae ma Feagaiga 77-80

E pei o Jared Carter ma Stephen Burnett (tagai i le Mataupu Faavae ma Feagaiga 79 ma le 80), e manaomia foi e faifeautalai i ona po nei se molimau ua valaauina i latou e le Alii.

E faitau afe faifeautalai na suia o latou valaauga faamisiona ona o le faamai o le koviti. Mo se faataitaiga, sa toe tofia Curtis ma Ramona Miller i se misiona ese ona o le faamai. Sa laua molimau mai: “E i ai se ma molimau malosi e le afaina po o fea ma te auauna ai ae ia ma naunau e auauna atu. A ma faataga le aao o le Faaola e taiala o ma’ua olaga, Na te faaagavaaina i ma’ua mo lenei galuega.”

Jared Carter (1801–49)

• Sa papatisoina e Ailama Samita i le 1831 i Colesville, Niu Ioka.

• Talai atu i Ohaio, Penisilevania, Niu Ioka, ma Veremona i le 1831 ma le 1832.

• Sa alu atu i Hairama, Ohaio, e fesili atu ia Iosefa Samita pe o le a le finagalo o le Alii mo ia.

• Na maua e Iosefa Samita se faaaliga na faatonuina ai o ia e toe talai atu i le itu i sasae o le Iunaite Setete (tagai Mataupu Faavae ma Feagaiga 79).

Stephen Burnett (1813–85)

• Na papatisoina e John Murdock i le 1830 i Warrensville, Ohaio.

• Na faauuina o se faitaulaga sili i le 17 o ona tausaga.

• Na tofia e talai atu faatasi ma Eden Samita (tagai Mataupu Faavae ma Feagaiga 80:2), ae na gasegase ia Eden.

• Na amata pea lana misiona faatasi ma le tama o Eden, o Ioane Samita.

Curtis ma Ramona Miller

• O le vaavaai ai i filifiliga i le uepisaite a faifeautalai matutua a le Ekalesia, na filifili ai e le au Miller ni nofoaga se valu na faamoemoe i ai—o le tele lava o na nofoaga o le Polenisia ma Europa.

• Na oo mai le la valaauga e auauna atu i le Ripapelika Temokarasi o Congo.

• O le a manaomia ona la aoaoina le gagana Farani.

• Ina ua mavae le tolu ma le afa masina i Aferika, sa toe tofia le au Miller e auauna atu i Georgia, ISA, ona o le KOVITI-19.