Ua I Ai Iinei le Ekalesia

White River, Jamaica

Atapue mai le Getty Images

O le White River e latalata i le taulaga o Ocho Rios, lea e i ai se paranesi o le Ekalesia lea e faapotopoto i se fale i le nofoaga autu mo faatauga i Main Street. O le uluai paranesi i Jamaica sa faatulagaina i le 1970. I le taimi nei i Jamaica, o le Ekalesia ua:

6,668 tagata auai

1 siteki, 1 misiona, 18 aulotu

7 nofoaga autu o talafaasolopito o aiga

“Sami o le Fiafia”

I Spanish Town, o se aai e le mamao mai Kingston, o loo fiafia faatasi ai Andrew Harrison ma lona afafine o Sydan. “Ua saunoa mai perofeta ua i ai i matua le tiutetauave paia ia alolofa ma tausi i a latou fanau,” o le tala lea a Andrew. “O matua lelei e olioli i sami o le fiafia.”