សម្រាប់ឪពុកម្ដាយ
ផែនការនៃសេចក្តីសង្រ្គោះ និងការទុកចិត្តលើព្រះអម្ចាស់
គោរពជូនមាតាបិតា
លោកអ្នកអាចប្រើប្រាស់អត្ថបទខាងក្រោមនេះ និងរូបភាពក្នុងអត្ថបទនោះដើម្បីបើកការពិភាក្សាជាមួយនឹងគ្រួសាររបស់អ្នក ហើយជួយពួកគេឲ្យយល់ពីប្រធានបទដ៏សំខាន់ៗដូចជាផែនការនៃសេចក្តីសង្រ្គោះ និងការទុកចិត្តលើព្រះអម្ចាស់ជាដើម ។
ផែនការនៃសេចក្តីសង្គ្រោះ
សូមប្រើ « មូលដ្ឋានគ្រឹះនៃដំណឹងល្អ » នៅទំព័រ ៦ ដើម្បីបង្រៀនកូនៗរបស់អ្នកអំពីផែនការនៃសេចក្តីសង្គ្រោះ ។ សូមពិភាក្សាពីរបៀបដែលចំណេះដឹងអំពីផែនការនៃសេចក្តីសង្គ្រោះផ្ដល់ពរជ័យដល់អ្នក និងគ្រួសាររបស់អ្នក ។ សូមពិចារណាសុំឲ្យកូនៗរបស់អ្នកគូររូបភាពអំពីផែនការនៃសេចក្តីសង្គ្រោះ ហើយឲ្យពួកគេម្នាក់ៗពន្យល់ពីផ្នែកផ្សេងៗគ្នានៃផែនការនេះ ។
ទុកចិត្តលើព្រះអម្ចាស់
សូមអានបទពិសោធន៍របស់បងប្រុស មិលថិន ខាម៉ាហ្គូ នៅទំព័រ ២១ ។ នៅពេលអ្នកពិភាក្សាពីបទពិសោធន៍នេះជាមួយកូនៗរបស់អ្នក សូមពិចារណាសួរ ៖ តើអ្នកផ្សព្វផ្សាយសាសនានេះបានបង្ហាញការទុកចិត្តរបស់គាត់លើព្រះដោយរបៀបណា ? តើអ្នកបង្ហាញការទុកចិត្តរបស់អ្នកលើព្រះអម្ចាស់តាមរបៀបណា ? តើអ្នកទទួលបានពរជ័យយ៉ាងដូចម្ដេចខ្លះ កាលអ្នកបានទុកចិត្តលើព្រះ ?
ការនិយាយពីការរំលោភបំពាន
សូមប្រើគំនិតយោបល់ទាំងឡាយក្នុងអត្ថបទនៅទំព័រ ១៤ ដើម្បីរៀនស្គាល់ការរំលោភបំពាន របៀបរារាំងវា និងរបៀបបង្រៀនកូនចៅអំពីរបៀបការពារខ្លួនរបស់ពួកគេ ។